Image

ഏജന്റ് സായി ശ്രീനിവാസ ആത്രേയ മലയാളത്തിലേക്ക്; ഡിറ്റക്ടീവാകാന്‍ ധ്യാന്‍ ശ്രീനിവാസന്‍

Published on 20 April, 2020
 ഏജന്റ് സായി ശ്രീനിവാസ ആത്രേയ മലയാളത്തിലേക്ക്; ഡിറ്റക്ടീവാകാന്‍ ധ്യാന്‍ ശ്രീനിവാസന്‍


സമീപകാലത്ത് അന്യഭാഷ സിനിമകള്‍ക്ക് കേരളത്തിലും നല്ല ജനപ്രീതി ലഭിക്കുന്നുണ്ട്. പ്രത്യേകിച്ചും ത്രില്ലര്‍ സിനിമകള്‍ക്ക്. അതില്‍ തന്നെ തെലുങ്ക് ത്രില്ലര്‍ സിനിമകള്‍ക്ക് കേരളത്തില്‍ നല്ല പ്രേക്ഷകരുണ്ട്. നേരത്തെ മാസ് മസാല സിനിമകള്‍ക്ക് പേരുകേട്ടിരുന്ന തെലുങ്കില്‍ നിന്നും വരുന്ന ത്രില്ലറുകള്‍ ഇന്ന് കേരളവും കീഴടക്കുകയാണ്. ഈ വിജയത്തിന്റെ പാതയാണ് സത്യത്തില്‍ മലയാളം ത്രില്ലറുകളും പിന്തുടര്‍ന്നതെന്ന് പറയാം.

കേരളത്തില്‍ ഹിറ്റായി മാറിയ തെലുങ്ക് ത്രില്ലറുകളിലൊന്നായിരുന്നു ഏജന്റ് സായി ശ്രീനിവാസ ആത്രേയ. നവീന്‍ പൊളിഷെട്ടി നായകനായെത്തിയ ചിത്രം സായി ശ്രീനിവാസ ആത്രേയ എന്ന ഡിറ്റക്ടീവിന്റെ കഥയാണ് പറഞ്ഞത്. തെലുങ്കിലെ പോയവര്‍ഷത്തെ ഏറ്റവും മികച്ച സിനിമകളിലൊന്നായാണ്ചിത്രത്തെ വിലയിരുത്തുന്നത്.

സസ്‌പെന്‍സും ത്രില്ലും ഒപ്പം നവീന്‍ പൊളിഷെട്ടിയുടെ അസാധ്യ കോമിക് ടൈമിങ്ങുമാണ് ചിത്രത്തെ വന്‍ വിജയമാക്കി മാറ്റിയത്. പിന്നാലെ ചിത്രത്തിന് രണ്ടാം ഭാഗവുമുണ്ടാകുമെന്നും അണിയറ പ്രവര്‍ത്തകര്‍ അറിയിച്ചിരുന്നു. എന്നാല്‍ ഇപ്പോള്‍ പുറത്ത് വരുന്ന മറ്റൊരു വാര്‍ത്ത ഏജന്റ് സായി ശ്രീനിവാസ ആത്രേയ മലയാളത്തിലേക്ക് എത്തുന്നു എന്നതാണ്.

ധ്യാന്‍ ശ്രീനിവാസനായിരിക്കും മലയാളത്തില്‍ നായകനായെത്തുക. താന്‍ സിനിമയുടെ ഭാഗമാകുന്ന വിവരം ധ്യാന്‍ തന്നെ ടൈംസ് ഓഫ് ഇന്ത്യയോട് സ്ഥിരീകരിച്ചിട്ടുണ്ട്. സിനിമയുടെ ചിത്രീകരണം ഈ വര്‍ഷം അവസാനം ആരംഭിക്കുമെന്നും അറിയിച്ചിട്ടുണ്ട്. ധ്യാന്‍ സംവിധാനം ചെയ്ത ലവ് ആക്ഷന്‍ ഡ്രാമ കഴിഞ്ഞ വര്‍ഷമാണ് തീയേറ്ററുകളിലെത്തിയത്.







Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക