ഭൂമിയിലെ ഏറ്റവും
വിസ്മയാവഹമായ കാഴ്ച,
ഒരേസമയം ഉദരത്തിലും
ഹൃദയത്തിലും
ഗർഭം ധരിച്ചിരിക്കുന്ന പെണ്ണാണ് .
പുറത്തിറക്കി വിട്ടാലോ
വെളിച്ചം കാണിച്ചാലോ
നമ്മുടേതല്ലാതായിത്തീരുന്ന
ഉത്കണ്ഠകളാണ്
പിറന്ന് വീഴുന്ന കുഞ്ഞും
പ്രണയവും.
ദൈവത്തിന്
നിത്യഗർഭം എന്നൊരു
പദ്ധതിയ്ക്ക് ഉദ്ദേശമുണ്ടെങ്കില്
ഇരട്ട ഗർഭത്തിന്
അപേക്ഷ വെയ്ക്കുന്ന
ഭൂമിയിലെ ആദ്യത്തെ സ്ത്രീ
ഞാനായിരിക്കും...!!