ഹ്യൂസ്റ്റണ്: കോവിഡ് ദുരിതബാധിതര്ക്ക് കരുതലും, കൈത്താങ്ങുമായി ഹ്യൂസ്റ്റണ് മലയാളി സമൂഹം കൈകോര്ത്തപ്പോള് അമേരിക്കന് മലയാളികളുടെ അര്പ്പണബോധത്തിന്റേയും , ജീവകാരുണ്യത്തിന്റെയും മഹനീയമായ മാതൃകയായി മാറി. ജാതി-മത-വര്ഗ്ഗ ഭേദമന്യേ 4000 ത്തോളം കുടുംബങ്ങള്ക്കാണ് സ്റ്റാഫോര്ഡ് ഹൈസ്കൂള് സ്റ്റേഡിയത്തില് വെച്ച് ഹ്യൂസ്റ്റണ് മലയാളി സമൂഹം ഭക്ഷണകിറ്റുകള് വിതരണം ചെയ്തത്.
ഫോര്ട്ട് ബെന്ഡ് ജഡ്ജ് കെ.പി ജോര്ജ്, ജഡ്ജ് ജൂലി മാത്യു , സ്റ്റാഫ്ഫോര്ഡ് കൗണ്സില്മാന് കെന് മാത്യു എന്നിവരുടെ മേല്നോട്ടത്തില് മലയാളി സംഘടനകളും, സംഘടനാ നേതാക്കളായ ഡോ: സാം ജോസഫ് (മാഗ്) ജോര്ജ് കോലാച്ചേരില് ( സൗത്ത് ഇന്ത്യന് ചേംബര്), തോമസ് ഒലിയാംകുന്നേല്(ഫോമാ) , എബ്രഹാം ഈപ്പന് (ഫൊക്കാന ) എസ.കെ ചെറിയാന് (വേള്ഡ് മലയാളി) അക്കാമ്മ കല്ലേലില് ( നഴ്സിങ് അസോസിയേഷന്) സെനിത്ത് ലൂക്കോസ് ( ഇന്ഡോ-അമേരിക്കന് ചാരിറ്റി ) എന്നിവരും സംരംഭത്തിന്റെ വിജയത്തിനായി പ്രവര്ത്തിച്ചു.
കോവിഡ് ദുരിതകാലത്ത് തൊഴില് നഷ്ട്ടപെട്ട ഒട്ടേറെ ആളുകള് ഹ്യൂസ്റ്റണ് മേഖലയിലുണ്ട്. അവര്ക്ക് വേണ്ടി എന്തെങ്കിലും സഹായം ചെയ്യണമെന്ന ആശയവും, ആഗ്രഹവുമാണ് ഈയൊരു ഉദ്യമത്തെക്കുറിച്ച് ചിന്തിക്കാന് പ്രേരിപ്പിച്ചതെന്ന് മുഖ്യ സംഘാടകനായ ജിജു കുളങ്ങര പറഞ്ഞു. ഈ ആശയം മലയാളി സംഘടനകളോട് പങ്കുവച്ചപ്പോള് അവര് പൂര്ണ പിന്തുണയുമായി മുന്നോട്ടു വന്നു. യഥാര്ത്ഥത്തില് മലയാളി കൂട്ടായ്മകളാണ് ഈ സംരഭം വിജയിപ്പിച്ചത്.
ഭക്ഷണ കിറ്റുകള് സൗജന്യമായി നല്കി സാജന് കുളങ്ങര-വിങ്സ് സ്റ്റോപ്പ് .അറ്റാക്ക് പോവെര്ട്ടി, ഹ്യൂസ്റ്റണ് ഫുഡ് ബാങ്ക് , ഫ്രീഡം ഓട്ടോമോട്ടീവ് &കൊളിഷന് , സൗത്ത് ഇന്ത്യന് ചേംബര് ഓഫ് കൊമേഴ്സ് , ഫോമാ , ഫൊക്കാന ,വേള്ഡ് മലയാളി കൗണ്സില് , മലയാളി അസോസിയേഷന് ഓഫ് ഗ്രെയ്റ്റര് ഹ്യൂസ്റ്റണ്. അമേരിക്കന് നഴ്സസ് അസോസിയേഷന് ഓഫ് ഗ്രെയ്റ്റര് ഹ്യൂസ്റ്റണ്, ഇന്ഡോ-അമേരിക്കന് ചാരിറ്റി ഫൌണ്ടേഷന് എന്നിവരും ഈ ജീവകാരുണ്യപ്രവര്ത്തിയില് പങ്കാളികളായി .