മരണം സംഭവിച്ചതിന്റെ തലേന്ന് വലിയൊരു ബാഗുമായി സൂരജ് വീട്ടിലെത്തിയെന്ന് മാതാപിതാക്കള് പറഞ്ഞു. സൂരജ് കൊണ്ടുവന്ന ബാഗില് പാമ്ബുണ്ടായിരുന്നെന്നാണ് സംശയം. സൂരജ് പാമ്ബുകളെ കയ്യിലെടുത്ത് കളിപ്പിക്കാറുണ്ടെന്ന് ഉത്രയുടെ ബന്ധുക്കള് അന്വേഷണ സംഘത്തോട് പറഞ്ഞു. അടൂരിലെ ഭര്തൃവീട്ടിലും ഒരുതവണ ഉത്ര പാമ്ബിനെ കണ്ടിരുന്നു. സൂരജ് ഇതിനെ കൈകൊണ്ട് പിടിച്ചു ചാക്കിലാക്കിയതായി ഉത്ര പറഞ്ഞിരുന്നുവെന്നും ബന്ധുക്കള് പറഞ്ഞു.
റൂറല് ജില്ലാ ക്രൈംബ്രാഞ്ച് ഡിവൈഎസ്പി എ അശോകന്റെ നേതൃത്വത്തിലായിരുന്നു മൊഴിയെടുപ്പ് നടത്തിയത്. റൂറല് എസ്പി ഹരിശങ്കറിന്റെ മേല്നോട്ടത്തിലാണ് അന്വേഷണം. കേസില് പ്രാഥമിക റിപ്പോര്ട്ട് വൈകാതെ തന്നെ നല്കും. ഉത്രയുടെ മരണത്തില് ദൂരൂഹതയുണ്ടെന്നും, വിശദമായ അന്വേഷണം വേണമെന്നും ആവശ്യപ്പെട്ട് ഉത്രയുടെ മാതാപിതാക്കള് കൊല്ലം റൂറല് എസ്പി ഹരിശങ്കറിനു പരാതി നല്കിയിരുന്നു.