ന്യൂഡല്‍ഹി: മലയാളി നഴ്​സ്​ അംബിക കോവിഡ്​ ബാധിച്ച്‌​ മരിക്കാന്‍ കാരണം ജോലി ചെയ്​തിരുന്ന സ്വകാര്യ ആശുപത്രിയുടെ അനാസ്​ഥയാണെന്ന്​ മകന്‍. 

ചികിത്സ തേടിയപ്പോള്‍ ആശുപത്രിയില്‍നിന്ന്​ കടുത്ത അവഗണന നേരിട്ടതായും ഗുരുതര ആരോഗ്യ പ്ര​ശ്​നങ്ങള്‍ ഉണ്ടായിരുന്നിട്ടും ​വ​െന്‍റിലേറ്റര്‍ സൗകര്യം ഉപയോഗപ്പെടുത്തുകയോ ​െഎ.സി.യുവില്‍ പ്രവേശിപ്പിക്കുകയോ ചെയ്​തില്ലെന്നും അഖില്‍ പറഞ്ഞു.

ഉപയോഗിച്ചതും ഗുണനിലവാരം ഇല്ലാത്തതുമായ പി.പി.ഇ കിറ്റുകള്‍ ഉപയോഗിച്ച്‌​ ജോലി ചെയ്യിപ്പിച്ചു. വേണ്ടത്ര അണുനശീകരണം നടത്തിയില്ല, പഴകിയതും കീറിയതുമായ മാസ്​കുള്‍ നല്‍കി ആശുപത്രി അധികൃതര്‍ പണം വാങ്ങിയതായും അഖില്‍ കൂട്ടിച്ചേര്‍ത്തു.

രണ്ടുദിവസം മുമ്ബാണ്​ പത്തനംതിട്ട വള്ളിക്കോട്​ -കോട്ടയം പാറയില്‍ പുത്തന്‍വീട്ടില്‍ അംബിക സനിലാണ്​ കോവിഡ്​ ബാധിച്ച്‌​ മരിച്ചത്​. 48 വയസായിരുന്നു. ഡല്‍ഹി രജൗരി ഗാര്‍ഡന്‍ കല്‍റ ആശുപത്രിയിലെ നഴ്​സായിരുന്നു.

പടിഞ്ഞാറന്‍ ഡല്‍ഹി രജൗരി ഗാര്‍ഡന്‍ ശിവാജി എന്‍ക്ലേവ്​ ഡി.ഡി.എ 63 എയിലാണ്​ ഇവര്‍ താമസിച്ചിരുന്നത്​. 22നാണ്​ കടുത്ത ചുമയും ദേഹാസ്വാസ്ഥ്യവും അനുഭവ​െപ്പട്ടതിനെ തുടര്‍ന്ന്​ ആശു​പത്രിയില്‍ പ്രവേശിപ്പിച്ചത്​. സഫ്​ദര്‍ജങ്​ ആശുപത്രിയില്‍ പ്രവേശിപ്പിച്ച അംബിക കഴിഞ്ഞ ഞായറാഴ്​ചയാണ്​ മരിച്ചത്​.