ന്യൂജേഴ്സി : ജോര്ജ് ഫ്ലോയിഡിന്റ്റെ കൊലപാതകത്തിന് ശേഷം കലുഷിതമായ അമേരിക്കന് സാമൂഹിക, രാഷ്ട്രീയ കാലാവസ്ഥയില് ഏറെ ശ്രദ്ധ പിടിച്ചു പറ്റിയ അമേരിക്കന് വംശീയ നീതിവ്യവസ്ഥയെ കുറിച്ച് അമേരിക്കയിലേയും, ഇന്ത്യയിലേയും വൈവിധ്യമായ കര്മ്മമണ്ഡലങ്ങളില് തനതായ വ്യക്തിമുദ്ര സ്വന്തമാക്കിയ പ്രതിനിധികളെ പങ്കെടുപ്പിച്ചു കൊണ്ട് വേള്ഡ് മലയാളി കൗണ്സില് ന്യൂജേഴ്സി പ്രൊവിന്സ് അന്താരാഷ്ട്ര തലത്തില് ചര്ച്ച സംഘടിപ്പിക്കുന്നു
സൂം മീറ്റിംഗ് മുഖേനെ ജൂണ് 26 വൈകുന്നേരം എട്ടു മണിക്കാണ് ഈ ചര്ച്ച ക്രമീകരിച്ചിരിക്കുന്നത്.
പീപ്പിള്സ് ഓര്ഗനൈസഷന് ഫോര് പ്രോഗ്രസ്സ് സ്ഥാപകനും പ്രമുഖ ആഫ്രോ അമേരിക്കന് നേതാവുമായ ലാറി ഹാം, അമേരിക്കയിലെ ടെക്സാസ് സ്റ്റേറ്റിലെ ഫോര്ട്ട് ബെന്റ് കൗണ്ടിയിലെ ആദരണീയ ജഡ്ജി ജൂലി മാത്യു , ഇന്ത്യയിലേയും കേരള രാഷ്ട്രീയത്തിലേയും തിളക്കമാര്ന്ന വ്യക്തിത്വത്തിന് ഉടമയും ഇന്ത്യയിലെ ഏറ്റവും മികച്ച പാര്ലിയമെന്ററിന് അവാര്ഡ് ജേതാവുമായ എന് കെ പ്രേമചന്ദ്രന് എംപി, പ്രമുഖ പത്രപ്രവര്ത്തകനും കോര്പ്പറേറ്റ് എക്സിക്യൂട്ടീവുമായ ഡോ കൃഷ്ണ കിഷോര്, പോലീസ് ഉദ്യോഗസ്ഥനായ സീസറി ആഡംസ്. അമേരിക്കയില് ബ്ലാക്ക് ലൈഫ് മാറ്റര് പ്രക്ഷോഭത്തിനിടെ പ്രസിദ്ധയായ മലയാളി ആക്ടിവിസ്റ് സിനി സ്റ്റീഫന് എന്നിവര് ചര്ച്ചയില് പങ്കെടുക്കും.
വേള്ഡ് മലയാളി കൗണ്സില് ന്യൂജേഴ്സി പ്രൊവിന്സ് പൊളിറ്റിക്കല് ഫോറം പ്രസിഡന്റ് പീറ്റര് ജേക്കബ് നേതൃത്വം കൊടുക്കുന്ന ചര്ച്ചയില് , വേള്ഡ് മലയാളി കൗണ്സില് ന്യൂജേഴ്സി പ്രൊവിന്സ് അഡൈ്വസറി ബോര്ഡ് ചെയര്മാനും ഗ്ലോബല് വൈസ് പ്രസിഡന്റ്റുമായ തോമസ് മൊട്ടക്കല് മോഡറേറ്റര് ആയിരിക്കും.
ന്യൂജേഴ്സി പ്രൊവിന്സ് ചെയര്മാന് ഡോ ഗോപിനാഥന് നായര്, പ്രസിഡന്റ് ജിനേഷ് തമ്പി, സെക്രട്ടറി ഡോ ഷൈനി രാജു, ട്രെഷറര് രവി കുമാര് എന്നിവരുടെ നേതുത്വത്തില് എക്സിക്യൂട്ടീവ് കമ്മിറ്റിയും, അഡ്വസ്ററി ബോര്ഡ് അംഗങ്ങളും പരിപാടിയുടെ വിജയത്തിനായി പ്രവര്ത്തിച്ചു വരുന്നു.
ഈ പ്രോഗ്രാമിലേക്കു എല്ലാ ആളുകളെയും സ്വാഗതം ചെയ്യുന്നതായി എക്സിക്യൂട്ടീവ് കമ്മിറ്റിക്കു വേണ്ടി ചെയര്മാന് ഡോ ഗോപിനാഥന് നായരും, പ്രസിഡന്റ് ജിനേഷ് തമ്പിയും അഭ്യര്ഥിച്ചു.
WMC ഗ്ലോബല് ചെയര്മാന് ഡോ എ വി അനൂപ്, ഗ്ലോബല് പ്രസിഡന്റ് ജോണി കുരുവിള , അമേരിക്ക റീജിയന് ചെയര്മാന് പി സി മാത്യു, അമേരിക്ക റീജിയന് പ്രസിഡന്റ് ജെയിംസ് കൂടല്, ഗ്ലോബല് വൈസ് ചെയര്പേഴ്സണ് തങ്കമണി അരവിന്ദന്, അമേരിക്ക റീജിയന് പൊളിറ്റിക്കല് ഫോറം പ്രസിഡന്റ് ഷിബു സാമുവേല് എന്നിവര് പരിപാടിക്കു വിജയാശംസകള് നേര്ന്നു.
ഫ്ലവര്സ് ചാനല് പ്രോഗ്രാമിന്റെ തത്സമയ പ്രക്ഷേപണം ഫേസ്ബുക് ലൈവ് വഴി സംപ്രേക്ഷണം ചെയ്യും.
മീറ്റിംഗ് ലോഗിന് ചെയ്യാനുള്ള വിവരങ്ങള് ചുവടെ :
Join Zoom Meeting: https://Zoom.us/j/7329158813
Meeting ID: 732 915 8813
Dial-in by phone: +1 929 205 6099
Meeting ID 732-915-8813
Password: 123456