തിരുവനന്തപുരം: ഇത്രനാളും നേരിട്ട അപമാനങ്ങള്‍ക്ക് തിരിച്ചടി നല്‍കിക്കൊണ്ട് പ്രതിപക്ഷ നേതാവ് രമേശ് ചെന്നിത്തല രംഗത്ത്. സ്വര്‍ണക്കടത്ത് കേസില്‍ മുഖ്യമന്ത്രിയുടെ ഓഫീസിനെ കൂടി ചേര്‍ത്തുവച്ചാണ് പ്രതിപക്ഷ നേതാവിന്റെ ആരോപണങ്ങള്‍. സ്പ്രിങ്ക്‌ളര്‍ മുതലുള്ള വിവാദങ്ങളില്‍ രമേശ് ചെന്നിത്തലയെ കടന്നാക്രമിച്ച ഭരണപക്ഷത്തിനും മുഖ്യമന്ത്രിയ്ക്കും വലിയ പ്രതിസന്ധിയാണ് ഈ പുതിയ വിവാദം സൃഷ്ടിച്ചിരിക്കുന്നത്. കുറ്റവാളികളുടെ കേന്ദ്രമായി മുഖ്യമന്ത്രിയുടെ ഓഫീസ് മാറുന്നു എന്നാണ് രമേശ് ചെന്നിത്തല ആക്ഷേപിക്കുന്നത്.