ന്യൂഡല്ഹി: ഇന്ത്യയില് വികസിപ്പിച്ച കോവിഡ് പ്രതിരോധ വാക്സിന് മനുഷ്യരില് പരീക്ഷണം ആരംഭിച്ചു. ആദ്യഘട്ടത്തില് തെരഞ്ഞടുക്കപ്പെട്ട 18 പേരിലാണ് പരീക്ഷണം നടത്തുന്നത്.
ഐസിഎംആറും ഭാരത് ബയോടെക്കും ചേര്ന്നാണ് കോവാക്സിന് നിര്മിക്കുന്നത്. പാറ്റ്ന എയിംസിലെ പരീക്ഷണമാണ് ഇന്നലെ മുതല് ആരംഭിച്ചത്.
ആശുപത്രി അധികൃതര് തിരഞ്ഞെടുത്ത 18 നും 55 വയസ്സിനും ഇടയില് പ്രായമുള്ള 18 പേരിലാണ് ആദ്യഘട്ട പരീക്ഷണം നടത്തുക. പരീക്ഷണത്തിന്റെ ആദ്യ പടിയായി ഇവരെ വൈദ്യപരിശോധനയക്ക് വിധേയരാക്കും.
പരിശോധനയില് മറ്റുപ്രശ്നങ്ങള് കണ്ടെത്തിയില്ലെങ്കില് ഇവര്ക്ക് ആദ്യ ഡോസ് മരുന്ന് നല്കും.ഐസിഎംആറിന്റെ നിര്ദേശപ്രകാരമാണ് പരിശോധനനടത്തുക. ആദ്യ ഡോസ് മരുന്ന് നല്കിയതിന് ശേഷം 2-3 മണിക്കൂര് ഇവര് ഡോക്ടറുട നീരിക്ഷണത്തിലായിരിക്കും .
മൂന്ന് ഘട്ടമായാണ് പരീക്ഷണം നടത്തുക. അതില് ആദ്യഡോസ് ഫലപ്രദമായവര്ക്ക് മാത്രമായിരിക്കും പിന്നീടുള്ളവ നല്കുക. ആദ്യ ഘട്ടം പൂര്ത്തീകരിക്കാന് മൂന്ന് മാസമെങ്കിലും വേണ്ടി വരുമെന്നാണ് റിപ്പോര്ട്ടുകള്.
രാജ്യത്തെ 12 ആശുപത്രികളിലാണ് മനുഷ്യരില് പരീക്ഷണം നടത്തുക