മലയാളികളുടെ പ്രിയപ്പെട്ട നടിമാരിലൊരാളാണ് കാവ്യ മാധവന്. ദിലീപുമായുള്ള വിവാഹശേഷം അഭിനയത്തില് നിന്നും മാറി നില്ക്കുകയാണെങ്കിലും ആരാധകരുടെ തികഞ്ഞ പിന്തുണ ഇപ്പോഴുമുണ്ട്. വിവാഹശേഷം പൊതുപരിപാടികള്ക്കും വിവാഹവേദികളിലും മറ്റുമായെത്തുമ്പോള് കാവ്യ മാധവന് മുഖ്യ ശ്രദ്ധാകേന്ദ്രമായി മാറാറുമുണ്ട്.
വിവാഹത്തോടെ അഭിനയം നിര്ത്തിയ നായികമാരുടെ ലിസ്റ്റിലേക്ക് കാവ്യയുടെ പേരും ചേര്ക്കപ്പെട്ടു. കാവ്യ എന്നാണ് ഇനി സിനിമയിലേക്ക് തിരിച്ചുവരിക എന്ന ചോദ്യവുമായി ആരാധകര് ഇപ്പോഴും കാവ്യയെ പിന്തുടരാറുണ്ട്. കാത്തിരിപ്പിനൊടുവില് എത്തിയ കുഞ്ഞതിഥി മഹാലക്ഷ്മിയുടെ പിറന്നാളൊക്കെ താരകുടുംബം ഗംഭീരമായി ആഘോഷമാക്കിയിരുന്നു.
വിവാഹ ശേഷം സോഷ്യല് മീഡിയയിലും കാവ്യ അത്ര സജീവമല്ലായിരുന്നു. ഫേസ്ബുക്കിലും ഇന്സ്റ്റാഗ്രാമിലും കാവ്യ ഒരു തിരിച്ചുവരവ് നടത്തിയത് മകള് മഹാലക്ഷ്മിയുടെ പിറന്നാളാഘോഷത്തിന് ശേഷമായിരുന്നു. എങ്കിലും അത്ര സജീവമായിരുന്നില്ല. ഇപ്പോഴിതാ കാവ്യ ട്വിറ്ററില് ഒരു പുതിയ ചിത്രം പങ്കുവെച്ചിരിക്കുകയാണ്. പച്ചയായ ജീവിതം എന്ന തലക്കെട്ടോടെയാണ് കാവ്യ പുതിയ ചിത്രം പങ്കുവച്ചിരിക്കുന്നത്. കാവ്യയെ കുറെക്കാലത്തിന് ശേഷം കാണുന്ന ആരാധകര് പ്രിയതാരത്തിന്റെ ചിത്രം ഏറ്റെടുത്തിരിക്കുകയാണ്.
ജീന്സും ടോപ്പുമാണ് കാവ്യയുടെ വേഷം. കാവ്യ എന്നാണ് സിനിമയിലേക്ക് മടങ്ങി വരിക എന്നാണ് ആരാധകര് നിരന്തരം ഉന്നയിക്കുന്ന ചോദ്യം. ഇതിന് ഒരിക്കല് ദിലീപ് നല്കിയ മറുപടി സിനിമയിലേക്കുള്ള തിരിച്ചവരവിനെക്കുറിച്ച് അറിയില്ല, താന് ആര്ക്കും അതിര്വരമ്പുകളൊന്നും വെച്ചിട്ടില്ലെ എന്നായിരുന്നു. അതിനാല് തന്ന ആ കാത്തിരിപ്പിലാണ് ആരാധകരും.