Image

അവഗണന (കവിത: ജെയിൻ ജെയിംസ്)

Published on 19 July, 2020
അവഗണന (കവിത:  ജെയിൻ ജെയിംസ്)
കൂരയിൽ നിത്യം പുകയുന്ന,
അടുപ്പെന്ന സ്വപ്നവും പേറി..
കടലിനക്കരെ...
ദിശയറിയാ-ത്തീരങ്ങളിലേക്ക്,
ജീവിതത്തോണി തുഴഞ്ഞടുപ്പിച്ച, 
പ്രവാസ സുമനസുകൾക്ക്, 
കാലം സമ്മാനിച്ച..
ദുരനുഭവ മുറിവുകളിൽ..
കിനിഞ്ഞ നിറഭേദമില്ലാത്ത, 
നിണകണങ്ങളിൽ മുക്കിയ..
ദുർവിധിയെന്ന
തൂലികത്തുമ്പിൽ ഇറ്റിയ, 
ഗദ്ഗദങ്ങളും നെടുവീർപ്പുകളും,
മണൽച്ചൂടിന്റെ ഊഷരതയിൽ 
പൊള്ളുന്ന കാൽവെള്ളകളുടെ, 
രോദനം പോലെയടർന്നു വീണ.. 
ഓരോ അക്ഷരങ്ങളും,
ഓരോരോ.....
ആത്മ വിലാപ കാവ്യങ്ങളായിരുന്നു
അവഗണന (കവിത:  ജെയിൻ ജെയിംസ്)
Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക