Image

പ്രിയ കവിക്ക് (കവിത: ബിന്ദു രാമചന്ദ്രൻ)

Published on 30 July, 2020
പ്രിയ കവിക്ക് (കവിത: ബിന്ദു രാമചന്ദ്രൻ)
സ്വത്വത്തിലും    കാവ്യവൃത്തത്തിലും
പ്രണയ നൃത്തത്തിലും
ലോക തത്വത്തിലും
ചിത് സദാനന്ദ രൂപനാം ഉന്മത്തഗായകാ !
ഒറ്റയ്ക്കു നീന്തിയീ സാഗരസീമ തന്നറ്റം  വരേയ്ക്കു നിൻ
ഭാവനാ മഞ്ജരി !
മുത്തും പവിഴവുമെപ്പേർ വിലപ്പെട്ട
സ്വത്തും സ്വരുക്കൂട്ടി
നിൻ കാവ്യരഞ്ജിനി !
കാലം ചുവപ്പിച്ചു
ചുംബിച്ചുണർത്തിയ
 ചേതോഹരമാം
ചിദംബരസ്മരണകൾ !
അമാവസ്യക്കറുപ്പിനെ
യാമിനീ നൃത്തത്തിലാ
നന്ദധാരയായ് മാറും കരങ്ങളെ
സ്വപ്ന സങ്കീർത്തനാലാപങ്ങളെ
കവേ,  ഗുരോ ഇത്ഥം നമിക്കുന്നു .
സ്വസ്ഥം തുടരു നീ....
**********************************
(*ചിദംബരസ്മരണകൾ
*അമാവാസി
*യാമിനീനൃത്തം
*ആനന്ദധാര
*മനുഷ്യന്റെ കൈകൾ
*സ്വപ്നസങ്കീർത്തനം -   ചുള്ളിക്കാടിന്റെ കവിതകൾ )


Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക