നു, ശ്രീരാമന്റെ രാജ്യഭരണവ്യവസ്ഥകൾ!!
രാജ്യത്തെങ്ങും ധാന്യഫലവും സസ്യഫലങ്ങളും സമൃദ്ധയായി നിറഞ്ഞതിനാൽ , അവിടെ ദാരിദ്ര്യമുണ്ടായിരുന്നില്ല! പോഷകഗുണമുള്ള ആഹാരവും, നിലവാരം പുലർത്തുന്ന ജീവിതരീതിയും പ്രദാനം ചെയ്തതിനാൽ ശിശുമരണവും, അകാലമൃത്യുവും ഉണ്ടായിരുന്നില്ല! ദുശീലങ്ങളില്ലാത്തതിനാൽ പുരുഷജനങ്ങളുടെ ആരോഗ്യം ഭദ്രമായിരുന്നു- അതിനാൽ സ്ത്രീകൾക്ക് വൈധവ്യദുഃഖം അനുഭവിക്കേണ്ടിവന്നില്ലയെന്ന് തന്നെ പറയാം!!
നല്ല ഭരണത്തിൽ മനസ്സു നിറഞ്ഞു ജനങ്ങളും സ്വധർമ്മങ്ങൾ കൃത്യമായ് ചെയ്തു! അവരുടെ കഠിനാധ്വാനവും സഹകരണവും ഉണ്ടായതുകൊണ്ട്, ഓരോ വീട്ടിലും ഐശ്വര്യം നിറഞ്ഞു നിന്നു! ആകയാൽ, അന്യരുടെ മുതൽ സ്വന്തമാക്കാൻ ശ്രമിക്കുകയോ, അന്യസ്ത്രീകളെ പുരുഷന്മാർ ദുഷ്ടവിചാരത്തോടെ നോക്കുകയോ ചെയ്തില്ല! അതിനാൽ രാമരാജ്യം എന്നും വാഴ്ത്തപ്പെട്ടിരുന്നു!
--------------------------------------------
വർഷങ്ങൾക്കുമുമ്പ് അധർമ്മത്തിന്റെ, അടിമത്തത്തിന്റെ രുദ്രതാണ്ഡവം നമ്മളും അനുഭവിച്ചതാണ്! 1600ൽ 'ഈസ്റ്റ് ഇന്ത്യകമ്പനി'യുടെ കച്ചവടതന്ത്രവുമായി ഭാരതത്തിൽ കാലു കുത്തിയ വെള്ളക്കാരിൽ നിന്ന് സ്വാതന്ത്ര്യത്തിന്റെ അമൃതകുംഭം, തിരികെ കൈക്കലാക്കിയിട്ടിപ്പോൾ 69വർഷം പൂർത്തിയാകുന്നു!
"ഇന്ന് പാതിരാ മണി മുഴങ്ങുമ്പോള് ഇന്ത്യ ഉണര്ന്നെഴുന്നേല്ക്കും. ഒരു പുതുജീവിതത്തിലേക്കും സ്വാതന്ത്യത്തിലേക്കും. ആ നിമിഷം ഇതാ സമാഗതമാവുകയാണ്. ചരിത്രത്തില് അത്യപൂര്വ്വമായി മാത്രം വരുന്ന നിമിഷം. പഴമയില് നിന്ന് നാം പുതുമയിലേക്ക് കാലെടുത്ത് വെച്ചിരിക്കുന്നു. ദീര്ഘകാലം അടിച്ചമര്ത്തപ്പെട്ട് കിടന്ന ഒരു ജനതയുടെ ആത്മാവിന് ശബ്ദം ലഭിക്കുകയാണ്."
(14 ആഗസ്റ്റ് 1947ലെ അർദ്ധരാത്രി കഴിഞ്ഞപ്പോൾ, സ്വാതന്ത്ര്യദിനത്തിന്റെ പട്ടാഭിഷേകവേളയിൽ ആദ്യ പ്രധാനമന്ത്രിയായ ജവഹര്ലാല് നെഹ്റു നടത്തിയ പ്രസംഗത്തിലെ വാക്യങ്ങളാണിവ!)
ഒരു സ്വാന്ത്ര്യദിനം കൂടെ കടന്നുപോകുമ്പോൾ, എവിടെ രാമരാജ്യം?? ഭരണചക്രമെങ്ങനെ തിരിഞ്ഞാലും, ആര് ഭരിച്ചാലും ഇവിടെയെല്ലാം 'പൊൻതൂവലെന്ന്' ഭരണപക്ഷവും, 'അടിസ്ഥനരഹിതമെന്നു ' പ്രതിപക്ഷവും പറയുന്നു! ഇതിന്റെ തുലാസ്സിൽതൂങ്ങുന്നത് ജങ്ങളിൽ നിന്ന് നികുതിയായി പിരിച്ച പണവും, അവരുടെ സമാധാനവും!
നന്ദനന്മാരെപ്പിതാവു രക്ഷിക്കുന്ന-
വണ്ണം പ്രജകളെ രക്ഷിച്ചു രാഘവൻ!!
അച്ഛൻ മക്കളെ, പരിപാലിക്കുന്നതുപോലെ ശ്രീരാമൻ തന്റെ പ്രജകളെ സംരക്ഷിച്ചു! നെഞ്ചിൽ വെടിയേറ്റപ്പോൾ ,'ഹേ രാം' എന്നുരുവിട്ടുകൊണ്ടു മരിച്ചുവീണ
, ഒരു രാഷ്ട്രപിതാവുണ്ടായിരുന്നു നമുക്കും- മഹാത്മാ ഗാന്ധി!
ചെങ്കോട്ടയ്ക്കിപ്പോഴും, ആ ചോരയുടെ മണമുണ്ട്! അവിടെ നാളെ വീണ്ടും പതാകയുയരുമ്പോൾ, അദ്ദേഹം വിഭാവനം ചെയ്ത ആ രാമാരാജ്യമെവിടെ?
(പരീശന്മാരില് ചിലര് യേശുവിനോടു ചോദിച്ചു, “ദൈവരാജ്യം എപ്പോള് വരും?” യേശു മറുപടി പറഞ്ഞു, “ദൈവരാജ്യം വരുന്നത് നിങ്ങളുടെ കണ്ണിനു കാണാനാവുന്ന വഴിയിലൂടെയായിരിക്കില്ല!" (അത്രമേൽ , അനാചാരങ്ങളുടെ അന്ധത ബാധിച്ചിരിക്കുന്നു !)