Image

ഫോമാ കണ്‍വന്‍ഷനു പകരം സൂമില്‍ ജനറല്‍ ബോഡി സെപ്റ്റംബര്‍ 5-നു ചേരും; ഇലക്ഷന്‍ 11-നു

Published on 07 August, 2020
ഫോമാ കണ്‍വന്‍ഷനു പകരം സൂമില്‍ ജനറല്‍ ബോഡി സെപ്റ്റംബര്‍ 5-നു ചേരും; ഇലക്ഷന്‍ 11-നു
ഫിലഡല്‍ഫിയയില്‍ സെപ്റ്റംബര്‍ 5,6,7 തീയതികളില്‍ നടത്താനിരുന്ന ഫോമാ കണ്‍വന്‍ഷന്‍ വേണ്ടെന്നു വയ്ക്കുവാന്‍ നാഷണല്‍ കമ്മിറ്റി തീരുമാനിച്ചു. പകരം സെപ്റ്റംബര്‍ 5 -നു സുമിലൂടെ ജനറല്‍ ബോഡി ചേരാനും കമ്മിറ്റി തീരുമാനിച്ചു. അതിനു പുറമെ സെപ്റ്റംബര്‍ 11 -നു ഓണ്‍ലൈനിലൂടെ ഇലക്ഷന്‍ നടത്താനും നാഷണല്‍ കമ്മിറ്റി തീരുമാനിച്ചതായി പ്രസിഡന്റ് ഫിലിപ്പ് ചാമത്തിലും ജനറല്‍ സെക്രട്ടറി ജോസ് എബ്രഹാമും അറിയിച്ചു.

കോവിഡ് 19 ശക്തമായി തുടരുന്ന സാഹചര്യത്തില്‍ ഏതെങ്കിലും തരത്തിലുള്ള ഒത്തുചേരല്‍ അഭികാമ്യമല്ലെന്നു നാഷണല്‍ കമ്മിറ്റി വിലയിരുത്തി. മാത്രവുമല്ല, പ്രാദേശിക ഭരണകൂടങ്ങള്‍ മീറ്റിങ്ങുകള്‍ക്കും മറ്റും നിശ്ചിത എണ്ണത്തില്‍ കൂടുതല്‍ പേര് പങ്കെടുക്കുന്നത് വിലക്കിയിട്ടുമുണ്ട്. അതിനാല്‍ കണ്വന്‍ഷനുമായി മുന്‍പോട്ടു പോകാനാവില്ലെന്നതു കൊണ്ടാണു പുതിയ തീരുമാനങ്ങള്‍.

നാഷണല്‍ കമ്മിറ്റിയിലെ ബഹുഭൂരിപക്ഷവും ഓണ്‍ലൈന്‍ വോട്ടിംഗ് എന്ന നിലപാടാണ് എടുത്തത്. ഇ-മെയില്‍ ഉപയോഗിച്ച് വോട്ട് എന്നാണ് തീരുമാനം. ഒരു ഇ-മെയിലില്‍ നിന്ന് ഒരാള്‍ക്ക് മാത്രമേ വോട്ട് ചെയ്യാനാകൂ. ഇത് സംബന്ധിച്ചുള്ള കൃത്യമായ നടപടിക്രമം അറിയിക്കും. ഡെലിഗേറ്റുകള്‍ തങ്ങളുടെ ഇ-മെയില്‍ കൃത്യമായി ഓഗസ്‌റ് 10-നു മുന്‍പ് അപ്ഡേറ് ചെയ്തു താഴെപ്പറയുന്ന ഇ-മെയിലില്‍ അറിയിക്കണം. info@fomaa.org or call: General secretary: 718 619 7759

തീരുമാനങ്ങളില്‍ എന്ത് മാറ്റം വരുത്താനും ജനറല്‍ ബോഡിക്ക് അധികാരമുണ്ട്. ഭരണഘടനയനുസരിച്ച് ഒക്ടോബര്‍ ആദ്യം ഇപ്പോഴത്തെ ഭരണ സമിതി ഒഴിയേണ്ടതുണ്ട്.

നേരിട്ട് വോട്ട് ചെയ്യണമെന്നും പ്രോക്‌സി വോട്ട് പാടില്ലെന്നുമാണ് ഇപ്പോള്‍ വോട്ടര്‍മാര്‍ക്ക് നല്‍കിയിരിക്കുന്ന നിര്‍ദേശം. പുതിയ നിര്‍ദേശം പുറപ്പെടുവിക്കാന്‍ ജനറല്‍ ബോഡിക്ക് അധികാരമുണ്ട്
Join WhatsApp News
2020-08-07 22:05:49
എഴുതി വെച്ചിട്ടുള്ള ഇപ്പോഴുള്ള നിയമപ്രകാരം കാര്യങ്ങൾ നടത്താം. അതിനെ മറികടക്കാനാണ് ഉദ്ദേശിക്കുന്നത് എങ്കിൽ ബയിലോ അമൻഡ് ചെയ്യണം. അതിന് വേറെ നോട്ടീസ് കൊടുക്കണം. ഇതൊക്കെ മുൻകൂട്ടി കണ്ട് കാര്യങ്ങൾ പരിഹരിക്കാനാണ് ബയിലോ കമ്മിറ്റി ഉള്ളത്. അത് ഒരു ഭൂലോക പരാജയം ആയിപ്പോയി. ഇത്ര ധൃതിപ്പെടൽ എന്തിനാണ്, സമാധാനപരമായി ഈ സാഹചര്യത്തെ നേരിട്ടിട്ടു പോരെ കാര്യങ്ങൾ നടത്തിയെടുക്കുന്നത്. അവസാനം ആന ചിഹ്നം വിളിച്ചത് പോലെ ആമ തുമ്മാണോ
Palakkaran 2020-08-07 23:49:49
നല്ല കാര്യം, ഇതാണ് നിസ്വാർത്ഥരായ, വിവരമുള്ള നേതാക്കൾ. അധികാര മോഹികളായ ഫൊക്കാനക്കാർ കണ്ട് പഠിക്ക്. ഇതു കൊണ്ടാണ് ഫോമ വളർന്നതും ഫൊക്കാന ചുരുങ്ങി ഇല്ലാതായതും !!!
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക