ഇടുക്കി: രാജമല പെട്ടിമുടിയില് ഉണ്ടായ ഉരുള്പൊട്ടലില് കൂടുതല് പേര് ഒലിച്ചു പോയിരിക്കാന് സാധ്യതയുണ്ടെന്ന് മന്ത്രി എംഎം മണി. പെട്ടിമുടിയില് നിന്നും മൂന്ന് കിലോമീറ്റര് മാറി വനത്തിലാണ് ഉരുള്പൊട്ടല് ഉണ്ടായതെന്നും മന്ത്രി വ്യക്തമാക്കി. ഏഷ്യാനെറ്റ് ന്യൂസിനോടായിരുന്നു മന്ത്രിയുടെ പ്രതികരണം.
ഉരുള്പൊട്ടലുണ്ടായ സ്ഥലങ്ങളിലും മലവെള്ളം ഒഴുകിയ ദിശയിലേക്കും ദുരന്ത നിവാരണ സേനയുടെ നേതൃത്വത്തില് തെരച്ചില് തുടരുകയാണെന്ന്് മന്ത്രി പറഞ്ഞു. ഒരു പക്ഷെ ഉരുള്പൊട്ടിയതിന്റെ ദിശ മാറിയിരുന്നുവെങ്കില് അപകടത്തിന്റെ വ്യാപ്തി വര്ധിക്കുമായിരുന്നുവെന്നും മന്ത്രി ആശങ്ക പ്രകടിപ്പിച്ചു.