തിരുവനന്തപുരം: സംസ്ഥാനത്ത് മഴക്കെടുതിയെ തുടര്ന്നുണ്ടായ നാശനഷ്ടം മറികടക്കാന് പ്രത്യേക സാമ്ബത്തിക പാക്കേജ് അനുവദിക്കണമെന്ന് സംസ്ഥാന സര്ക്കാര് പ്രധാനമന്ത്രിയോട് ആവശ്യപ്പെട്ടു. തീവ്ര മഴക്കെടുതി നേരിട്ട സംസ്ഥാനങ്ങളിലെ മുഖ്യമന്ത്രിമാരുമായി പ്രധാനമന്ത്രി വിളിച്ച യോഗത്തിലാണ് പിണറായി വിജയന് ഈ ആവശ്യം ഉന്നയിച്ചത്.
കാലവര്ഷത്തില് ഇതുവരെ ഉണ്ടായ നാശനഷ്ടങ്ങളും രക്ഷാ പ്രവര്ത്തനങ്ങളും പുനരധിവാസവും മുഖ്യമന്ത്രി വിശദീകരിച്ചു.വിശദമായ റിപ്പോര്ട്ടിന്റെ അടിസ്ഥാനത്തില് സഹായം നല്കാമെന്നായിരുന്നു പ്രധാനമന്ത്രിയുടെ പ്രതികരണം.
റവന്യൂമന്ത്രി ഇ.ചന്ദ്രശേഖരനും, ആരോഗ്യ മന്ത്രി കെ.കെ ശൈലജയും ചീഫ് സെക്രട്ടറി വിശ്വാസ് മേത്തയും യോഗത്തില് പങ്കെടുത്തു.