ഡല്ഹി: മുന് രാഷ്ട്രപതി പ്രണാബ് മുഖര്ജിയുടെ (84) ആരോഗ്യനില അതീവ ഗുരുതരമായി തുടരുന്നു. ഡല്ഹിയിലെ സൈനിക റിസര്ച്ച് ആന്ഡ് റഫറല് ആശുപത്രിയിലെ തീവ്രപരിചരണ വിഭാഗത്തിലാണ് അദ്ദേഹം. പ്രണാബിന്റെ ആരോഗ്യനിലയില് മാറ്റമില്ലെന്നും വെന്റിലേറ്ററില് തന്നെ തുടരുകയാണെന്നും സൈനിക ആശുപത്രി വ്യാഴാഴ്ച രാവിലെ മെഡിക്കല് ബുള്ളറ്റിനില് വ്യക്തമാക്കി.
വെന്റിലേറ്റര് സഹായത്തോടെ തുടരുന്ന പ്രണാബിന്റെ രക്തചംക്രമണം അടക്കമുള്ളവയില് സ്ഥിരതയുണ്ടെന്നു ഡോക്ടര്മാര് ഇന്നലെ അറിയിച്ചിരുന്നു. പ്രണാബിന്റെ ധമനികളിലെയും ഹൃദയത്തിലെയും രക്തയോട്ടം അടക്കമുള്ള കാര്യങ്ങളില് (ഹീമോഡൈനാമിക്കലി) യന്ത്രസഹായത്താല് സ്ഥിരതയുണ്ടെന്നു സൈനിക ആശുപത്രി ബുധനാഴ്ച പ്രസ്താവനയില് വ്യക്തമാക്കിയിരുന്നു.