തിരുവനന്തപുരം: ദേശീയ ദുരന്ത പ്രതികരണ സേനയുടെ മൂന്ന് സംഘം കേരളത്തിലെത്തി. വയനാട്, മലപ്പുറം, തൃശൂര് എന്നീ ജില്ലകളില് ഇവരെ വിന്യസിച്ചു.
ഇടുക്കി, കോഴിക്കോട് എന്നീ ജില്ലകളില് ഉള്ള സംഘങ്ങള്ക്ക് പുറമെ ആണ് മൂന്ന് സംഘം എത്തിയത്.
അതേസമയം ബംഗാള് ഉള്ക്കടലില് പുതിയ ന്യൂനമര്ദ്ദം രൂപപ്പെട്ടു. ഇതോടെ കേരളത്തില് കാലവര്ഷം ശക്തിപ്പെടാന് സാധ്യതയുണ്ടെന്ന് കാലാവസ്ഥ നിരീക്ഷണകേന്ദ്രം അറിയിച്ചു.
വടക്ക് കിഴക്കന് ബംഗാള് ഉള്ക്കടലില് ഇന്ന് രാവിലെയാണ് ന്യൂനമര്ദ്ദം രൂപപ്പെട്ടത്. ഇത്തവണത്തെ മണ്സൂണ് സീണണിലെ 11-ാമത്തെ ന്യൂനമര്ദ്ദമാണ് ബംഗാള് ഉള്ക്കടലില് രൂപം കൊണ്ടത്.