റംസിയുടെ ആത്മഹത്യ; നടിയെ ഉടന് അറസ്റ്റ് ചെയ്യണമെന്ന് ആക്ഷന് കൗണ്സില്
Published on 22 September, 2020
കൊട്ടിയം: പ്രതിശ്രുത വരന് വിവാഹത്തില് നിന്ന് പിന്മാറിയതില് മനംനൊന്ത് റംസി ആത്മഹത്യ ചെയ്ത സംഭവത്തില് സീരിയല് നടി ലക്ഷ്മി പ്രമോദിനെ രക്ഷിക്കാന് ശ്രമം നടക്കുന്നുവെന്ന് ആക്ഷന് കൗണ്സില്. വഞ്ചനാകുറ്റം ഉള്പ്പടെയുള്ള വകുപ്പുകള് ചുമത്തി ലക്ഷ്മിയെ ഉടന് അറസ്റ്റ് ചെയ്യണമെന്നാണ് ജസ്റ്റിസ് ഫോര് റംസി എന്ന ആക്ഷന് കൗണ്സിലിന്റെ ആവശ്യം.
മുന്കൂര് ജാമ്യത്തിനായി നടി നീക്കം തുടങ്ങിയിട്ടുണ്ടെന്നാണ് സൂചന.കേസില് നേരത്തേ അറസ്റ്റിലായ പള്ളിമുക്ക് കൊല്ലൂര്വിള ഇക്ബാല് നഗര് കിട്ടന്റഴികത്ത് വീട്ടില് ഹാരിഷിന്റെ (24) സഹോദന്റെ ഭാര്യയാണ് ലക്ഷ്മി. റംസിയും ഹാരിഷും ഏറെക്കാലമായി പ്രണയത്തിലായിരുന്നു. വിവാഹനിശ്ചയവും കഴി!ഞ്ഞതാണ്. സാമ്പത്തികമായി മെച്ചപ്പെട്ട മറ്റൊരു വിവാഹാലോചന വന്നപ്പോള് ഇയാള് റംസിയെ ഒഴിവാക്കി.ഇതിനെത്തുടര്ന്ന് യുവതി ആത്മഹത്യ ചെയ്യുകയായിരുന്നു.
റംസി ലക്ഷ്മിയുമായി നല്ല അടുപ്പത്തിലായിരുന്നു. സോഷ്യല് മീഡിയയില് റംസിയും ലക്ഷ്മിയും ചേര്ന്നുള്ള നിരവധി ചിത്രങ്ങളും വീഡിയോകളും പങ്കുവച്ചിരുന്നു. ഇരുവരും തമ്മിലുളള സന്ദേശങ്ങള് കേസില് നിര്ണായകമായേക്കും. നടിയേയും ഹാരിഷിന്റെ അമ്മയേയും അന്വേഷണ സംഘം വീണ്ടും ചോദ്യം ചെയ്തേക്കുമെന്നാണ് സൂചന.
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല