അമേരിക്കയിൽ സാമ്പത്തിക രംഗത്തു മുന്നിൽ വന്ന സംഘ പരിവാർ അനുകൂലികൾ പല സ്ഥാനങ്ങളിലേക്കും തങ്ങളെ അനുകൂലിക്കുന്നവരെ സ്ഥാനാർത്ഥികളാക്കിയിരിക്കുന്നു. അവർ ആരൊക്കെയെന്ന് അടുത്തയിടക്ക് വിവിധ മാധ്യമങ്ങൾ ചുണ്ടിക്കാട്ടുകയുണ്ടായി.
പലരും സംഘപരിവാർ ബന്ധം അത്രയൊന്നും പുറത്തു കാട്ടാതെയാണ് രംഗത്തുള്ളത്. ചിലർ യാതൊരു മറയുമില്ലാതെ പരിവാർ ബന്ധം പറയുന്നു.
ഇവിടെ ചില കാര്യങ്ങൾ. മലയാളികളിൽ നല്ലൊരു പങ്ക് ഇന്ത്യയിൽ ബി.ജെ.പി.ക്ക് വോട്ട് ചെയ്യുന്നവരല്ല. അവർ ഇവിടെ സംഘ പരിവാർ അനുകൂലികളെ തുണക്കണോ? ഇലക്ഷന് നിൽക്കുന്ന എല്ലാ ഇന്ത്യാക്കാരെയും അനുകൂലിക്കാനോ?
ഇന്ത്യയിലെ രാഷ്ട്രീയം ഇവിടെ വേണോ എന്ന് ചോദിക്കുന്നവരുണ്ട്. അതെ ഇന്ത്യയിലെ രാഷ്ട്രീയം ഇവിടെ എന്തിനാണ് കൊണ്ടുവരുന്നത്? ഇവിടെ ഇലക്ഷനിൽ നിൽക്കുന്നവർ ഈ രാജ്യത്തെ കാര്യമാണ് ശ്രദ്ധിക്കേണ്ടത്. ഇവിടത്തെ ജനാധിപത്യ ആശയങ്ങളെ ആണ് പിന്തുടരേണ്ടത്. പകരം ഇന്ത്യയിലെ ഭിന്നതയുടെ രാഷ്ട്രീയം ഇവിടെ കൊണ്ട് വരികയല്ല വേണ്ടത്.
ഇതിൽ വിരോധാഭാസം ഇവിടെ വലിയ ഇടതു പക്ഷം, ഡമോക്രാറ്റ് , എന്നൊക്കെ പറയുന്നവർ ഇന്ത്യയിൽ തീവ്ര വലതു പക്ഷത്തിന്റെ വക്താക്കളാണ്. ഇരട്ടമുഖം. അത് തന്നെ എതിർക്കപ്പെടണം.
ഇന്ത്യാക്കാരായ സ്ഥാനാർത്ഥികളോട് അവരുടെ സംഘപരിവാര ബന്ധം അന്വേഷിച്ച് മാത്രം വോട്ട് ചെയ്യുക. സംഘപരിവാർ ഗ്രുപ്പിനു അമേരിക്കയിൽ ആളും അർത്ഥവും ഉണ്ട്. പക്ഷെ ഈ രാജ്യം വിശ്വസിക്കുന്ന ചില തത്വസംഹിതകളുണ്ട്. അതിനെ രഹസ്യമായി എതിർക്കുന്നവരെ നാം എന്തിനു അനുകൂലിക്കുന്നു?
സ്ഥാനാർത്ഥി ഇന്ത്യാക്കാരനായാൽ മാത്രം പോരാ