ആഗസ്റ്റ് 10-നു ശേഷം ആദ്യമായി ടെക്സ്സസ് സംസ്ഥാനത്ത് നവം - 16 ചൊവ്വാഴ്ച പ്രതിദിന കേസ്സുകൾ പുതിയ റിക്കോർഡിലേക്ക്. ഒരൊറ്റ ദിവസം മാത്രം ടെക്സ്സിൽ 10865 പോസിറ്റീവ് കേസ്സുകൾ റിപ്പോർട്ട് ചെയ്തു. അതോടൊപ്പം 6170 പേരെയാണ് ആശുപത്രിയിൽ പ്രവേശിച്ചത്.

രാജ്യത്തെ കൗണ്ടികളിൽ ഏറ്റവും കൂടുതൽ കേസ്സുകൾ ഒരൊറ്റ ദിവസം റിപ്പോർട്ട് ചെയ്യുന്നത് ഡാളസ് കൗണ്ടിയിലാണെന്ന് കൗണ്ടി ജഡ്ജി ക്ലെ ജങ്കിൻസ് പറഞ്ഞു. നാം നമ്മുടെ ജീവിതചര്യകളിൽ മാറ്റം വരുത്തണം. മാസ്ക്ക് , സോഷ്യൽ ഡിസ്റ്റൻസിംഗ് , കൂട്ടം കൂടൽ എന്നിവക്ക് കർശന നിയന്ത്രണങ്ങൾ ഏർപ്പെടുത്തണമെന്നും ജഡ്ജി പറഞ്ഞു. ഏഴ് ദിവസത്തിനുള്ളിൽ ആശുപത്രിയിൽ പ്രവേശിപ്പിക്കപ്പെടുന്ന രോഗികളുടെ എണ്ണം ക്രമാതീതമായി വർദ്ധിക്കുമെന്നും ജഡ്ജി മുന്നറിയിപ്പ് നൽകി.