കാലഘടികാരം (കവിത: മഞ്ജുള ശിവദാസ്)

kazhchapadu 13-Nov-2020 മഞ്ജുള ശിവദാസ്
kazhchapadu 13-Nov-2020
മഞ്ജുള ശിവദാസ്
Share
image
നിനച്ചിടാതെത്തി വലിച്ചിറക്കുന്ന
കരുത്തതെപ്പൊഴും നിനക്കുമാത്രമോ?
വരിച്ചിടാന്‍ മാല്യമൊരുക്കി വച്ചതാ
ണൊരിയ്ക്കല്‍ ജീവിതംമടുത്തിരുന്നനാള്‍..

നിറങ്ങളില്ലാത്ത നിശബ്ദവീഥിയില്‍
തനിച്ചിറങ്ങുവാന്‍ മടിച്ചിരുന്നനാള്‍.
അടുക്കുവാനന്നു മടിച്ച നീയിന്നു
നിറങ്ങളില്‍നിന്നു പറിച്ചെടുത്തെന്നെ.

നരച്ച കാലത്തിനു വലിച്ചെറിഞ്ഞേകി
അകാലവാര്‍ദ്ധക്യ നുകത്തിലായവള്‍.
വസന്തമില്ലാത്ത മനസ്സുമായ്ത്തന്നെ
നരച്ചയാഥാര്‍ത്ഥ്യ വീഥികള്‍ താണ്ടുവോള്‍.

അഴല്‍പരപ്പിലേയിരുട്ടിനപ്പുറം
തെളിഞ്ഞ വെട്ടത്തിന്‍ പ്രതീക്ഷയാലിവള്‍
ഒരിയ്ക്കലെങ്കിലും മനസ്സറിഞ്ഞൊന്നു
ചിരിയ്ക്കുവാനല്ലേ കൊതിച്ചിരുന്നുള്ളൂ..

നിനച്ചിടാതെത്തി വലിച്ചിറക്കുന്ന
കരുത്തനാണുനീ കിനാവെരിച്ചവന്‍.
നിറപ്പകിട്ടാര്‍ന്ന കിനാക്കളോരോന്നു
തളിര്‍ത്തു വന്നതും പറിച്ചെടുത്തവന്‍.



image
Facebook Comments
Comments.
image
samgeev
2020-11-13 16:12:51
നല്ല കവിത. സാംജീവ്
Leave a reply.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
Leave a reply.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
News in this section