ന്യൂയോർക്ക് : വെസ്റ്റ് ചെസ്റ്റർ അയ്യപ്പ ക്ഷേത്രത്തിൽ പ്രതിഷ്ഠ മഹോത്സവം നവംബർ 14 , 15 ശനിയാഴിച്ചയും ഞായറാഴ്ചയും നടത്തുന്നതാണ് . പുതിയ പ്രതിഷ്ഠകളായ വെങ്കിടചെലപതി, ലോർഡ് ശിവ ,ശ്രീകൃഷ്ണ സ്വാമി , വേൽമുരുക , ദേവയാനി , ദേവി മഹാലക്ഷ്മി, ശിരടി സായി കൂടാതെ നവഗ്രഹങ്ങളെയും പ്രതിഷ്ട കർമ്മങ്ങൾ ബ്രന്മശ്രീ ശ്രീനിവാസ് ഭട്ടിന്റെനേതൃത്വത്തിൽ നടത്തുന്നതാണ് .
വെസ്റ്റ് ചെസ്റ്റർ അയ്യപ്പ ക്ഷേത്രത്തിലെ മുഖ്യ പ്രതിഷ്ഠ അയ്യപ്പ സ്വാമിയുടേതാണ് . ശ്രീ മഹാഗണപതിയും ശ്രീ ഹനുമാൻജി മറ്റു പ്രതിഷ്ഠകൾ ഉള്ള ക്ഷേത്രത്തിൽ അവരോടൊപ്പം വെങ്കിടചെലപതി, ലോർഡ് ശിവ ,ശ്രീകൃഷ്ണ സ്വാമി , വേൽമുരുക , ദേവയാനി , ദേവി മഹാലക്ഷ്മി, നവഗ്രഹങ്ങൾ എന്നീ പ്രതിഷ്ഠകൾ കൂടെ നടത്തണം എന്നത് ഭക്തരുടെ വളരെ കാലമായ ആവിശ്യമാണ് നിറവേറുന്നത്. ഒരു ജീവിതത്തിൽ അപൂർവമായി മാത്രം കാണാൻ സാധിക്കുന്ന ഈ അസുലഭ സന്ദർഭം ന്യൂ യോർക്കിലുള്ള (ട്രൈസ്റ്റേറ്റ് ) ഭക്തർക്കും കൈവന്നിരിക്കുകയാണ് .
പല ഭക്തകർക്കും പല അനുഭവങ്ങൾ പ്രാർത്ഥനയിലൂടെ ഈ ക്ഷേത്രത്തിൽ നിന്നും ലഭിക്കുന്നുണ്ട് . ഈ വിഗ്രങ്ങൾ എല്ലാം തന്നെ പല ഭക്തരുടെയും പ്രാർത്ഥന ഭലത്തീന് നൽകിയ നേർച്ചകൾ ആണ്. മണ്ഡല കാലത്തിനു മുൻപ് തന്നെ ഈ പ്രതിഷ്ഠകൾ നടത്തണമെന്ന് ദേവപ്രശ്നവും ഉള്ളത് കൊണ്ടാണ് ഇപ്പോൾ തന്നെ നടത്തേണ്ടി വന്നത്.
കാലത്തിനും തോല്പിക്കാനാവാത്ത ചില വിശ്വാസങ്ങളുണ്ട്. സത്യങ്ങളുണ്ട്. ജന്മനാട്ടിലായാലും കടലുകള്ക്കപ്പുറമായാലും അത് ചൈതന്യം വറ്റാതെ നിലനില്ക്കും . ഇങ്ങ് ന്യൂയോർക്ക് മഹാനഗരത്തിന്റെ മധ്യത്തിലും നാട്ടിൽ നടത്തുന്ന അതെ ചടങ്ങുകളോടെയാണ് ഇവിടെയും പ്രതിഷ്ഠ കർമങ്ങൾ നടത്തുന്നത്.
പ്രതിഷ്ട മഹോത്സവദര്ശന സാഫല്യത്തിനായി കാത്തിരിക്കുന്ന എല്ലാ ഭക്തന്മാര്ക്കും വെസ്റ്റ് ചെസ്റ്റർ അയ്യപ്പ ക്ഷേത്രത്തിലേക്ക് സ്വാഗതം ചെയ്യുന്നതായി ക്ഷേത്രം പ്രസിഡന്റ് പാർത്ഥസാരഥി പിള്ള അറിയിച്ചു . കൊറോണ പരക്കുന്നത് കാരണം ആളുകൾ കൂട്ടംകൂടുന്നതിന് ഗവണ്മെന്റ് നിബന്ധനകൾ ഉള്ളതിനാൽ, ഗവണ്മെന്റ് നിയമങ്ങൾ അനുസരിച്ചു വരുന്നവർക്ക് അപ്പോയ്ന്റ്മെന്റ് വഴി മാത്രമേ ക്ഷേത്രത്തിലേക്കു പ്രേവേശനം അനുവദിക്കുകയുള്ളു.
പുജാതി കാര്യങ്ങൾ ഓൺലൈൻ ആയി ബുക്ക് ചെയ്യാവുന്നതാണ്. പ്രതിഷ്ട കർമ്മങ്ങൾ ഓൺലൈൻ വഴി കാണാവുന്നതാണ് . പൂജകൾ ബുക്ക് ചെയ്യുന്നതിനും അപ്പോയ്ന്റ്മെന്റ്കൾക്കും ദയവായി ക്ഷേത്രം പ്രസിഡന്റ് പാർത്ഥസാരഥി പിള്ളയെ(914 -439 -4303 ) ഫോണിൽ ബന്ധപ്പെടുക.