Image

ഗോതമ്പു പാടങ്ങൾ (അർച്ചന ഇന്ദിര ശങ്കർ)

Published on 16 November, 2020
ഗോതമ്പു പാടങ്ങൾ (അർച്ചന ഇന്ദിര ശങ്കർ)
കനകക്കതിർ ചാർത്തി
മന്ദസ്മിതം തൂകി
ഗോതമ്പു വിളയുന്ന പാടമുണ്ട്.
ഒട്ടിയ വയറിലും
നിണം വറ്റിയൊരക്ഷിയിലും
മോഹം നിറയ്ക്കുന്ന
കൊയ്ത്തുഗാഥയുണ്ട് .
പ്രതീക്ഷവെയിൽചൂടും
കാറ്റിൻ ചിറകടിയും 
സ്വപ്നക്കുളിർ മഴയുമൊത്ത്
ചേർന്നുള്ളൊരു സ്നേഹമുണ്ട്.
ഗോതമ്പു മണികളിൽ
പുരളും വിരൽപാടിൽ
കർഷകലക്ഷത്തിൻ വിയർപ്പുമുണ്ട്.
ഈ ഗോതമ്പു പാടങ്ങൾ
വെറും ഭൂമിയല്ല പിന്നെ 
വിശപ്പ് വിതച്ച്
മധുരം വിളയുന്ന ഹൃദയമാണ്.
ഇവിടെ നിറകതിരിൽ നിറയും
ഗോതമ്പു മണികളിൽ വെളിച്ചമുണ്ട്,
ഓരോ മണിയും
തിരി നീട്ടും വിളക്കിൽ
പ്രകാശിതമായി പൊൻപ്രഭയോലും
അന്ധകാരമാറ്റും അഗ്നിയാണ്.  


Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക