Image

മൗനം (കവിത :ബീന ബിനിൽ)

Published on 21 November, 2020
മൗനം (കവിത :ബീന ബിനിൽ)
അടിസ്ഥാനമായ ആത്മീയതയാണ് മൗനം
അനുഭവങ്ങളിലൂടെ ജീവിതവഴിയിൽ
ഉരുകിത്തീരുമ്പോൾ
സ്വയം ചെയ്യാവുന്ന പ്രതികാരം മൗനമാണ്.
സ്വയം മൗനിയാവുന്നതും
എൻ വേദനകളെ മൂടിവെക്കുന്നതും
മൗനത്തിലൂടെയാണ്.
മരണത്തിലും കീഴടങ്ങുന്നത്
മൗനം എന്ന പ്രതിഭാസമാണ്.
മൗനം സുന്ദരമായ
മറുപടി പറയാൻ പറ്റാത്ത
ചോദ്യങ്ങളുടെ കനത്ത
ഉത്തരം തന്നെ.
പ്രശ്നങ്ങളിലൂടെ സഞ്ചരിച്ചപ്പോഴും
ഉചിതമായി തിരഞ്ഞെടുത്തത് മൗനം.
ജീവിതായനത്തിലെ നിർവചനം പോലും
കൊടുക്കാൻ പറ്റാത്ത
സൂക്ഷ്മ നിധിയാണ് മൗനം.
Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക