ന്യൂഡല്ഹി: ഓക്സ്ഫഡ്-ആസ്ട്രസെനക വാക്സിന് എടുത്തയാള്ക്ക് ഗുരുതര പാര്ശ്വഫലം ഉണ്ടായെന്ന ആരോപണം നിഷേധിച്ച് പുണെയിലെ സിറം ഇന്സ്റ്റിറ്റ്യൂട്ട്.
വാക്സിന് ഇന്ത്യയില് നിര്മിക്കുന്ന കമ്ബനിയാണ് സിറം ഇന്സ്റ്റിറ്റ്യൂട്ട്. പരീക്ഷണ സമയത്ത് വാക്സിന് എടുത്തവര് പൂര്ണ പ്രതിരോധ ശേഷി ആര്ജിക്കുന്നുണ്ടെന്ന് ഉറപ്പാക്കിയ ശേഷമേ പൊതു ഉപയോഗത്തിന് വാക്സിന് നല്കൂവെന്നും കമ്ബനി അറിയിച്ചു.
കഴിഞ്ഞയാഴ്ച ചെന്നൈയില് പരീക്ഷണ വാക്സിന് എടുത്തയാള് നാഡീവ്യൂഹ സംബന്ധമായ തകരാറുകള് ഉണ്ടായെന്ന് ആരോപിച്ച് കമ്ബനിക്കെതിരെ അഞ്ചു കോടി രൂപ നഷ്ടപരിഹാരം ആവശ്യപ്പെട്ട് കേസ് നല്കിയിരുന്നു.
സംഭവം അതീവ നിര്ഭാഗ്യകരമാണെന്നും വാക്സിന് എടുത്തതുകൊണ്ടല്ല പ്രശ്നമുണ്ടായതെന്നും കമ്ബനി വിശദീകരിച്ചു. പരാതിക്കുശേഷം മുഴുവന് വിവരങ്ങളും രേഖകളും ഡ്രഗ്സ് കണ്േട്രാളര്ക്ക് കൈമാറിയിട്ടുണ്ട്.
പരിശോധനക്ക് അനുമതി ലഭിച്ചശേഷമേ വീണ്ടും വാക്സിന് പരീക്ഷണം തുടങ്ങൂയെന്നും കമ്ബനി അറിയിച്ചു.
അതേസമയം, മനുഷ്യരിലെ പ്രാഥമിക പരീക്ഷണത്തിനിടെയുണ്ടായ തിരിച്ചടിയിലെ നിഗമനങ്ങള് മാത്രം വെച്ച് പരീക്ഷണം തന്നെ നിര്ത്തിവെക്കേണ്ട ആവശ്യമില്ലെന്ന് കേന്ദ്രസര്ക്കാര് വ്യക്തമാക്കി.