സൂഫി നായകന്‍ ദേവ് മോഹന്റെ പുതിയ സിനിമ 'പുള്ളി'

സൂഫിയും സുജാതയും എന്ന സിനിമയിലൂടെ ശ്രദ്ധേയനായ നടനാണ് ദേവ് മോഹന്‍. ഇപ്പോഴിതാ താരം പുതിയ ചിത്രത്തില്‍ നായകനാകാന്‍ പോകുന്നുവെന്ന റിപ്പോര്‍ട്ടാണ് പുറത്തുവരുന്നത്. ജിജു അശോകന്‍ സംവിധാനം ചെയ്യുന്ന 'പുള്ളി' എന്ന ചിത്രത്തിലാണ് ദേവ് മോഹന്‍ നായകനായെത്തുന്നത് .

അടുത്ത മാസം 15ന് ആണ് ചിത്രീകരണം തുടങ്ങുക. സിനിമയിലെ മറ്റ് അഭിനേതാക്കളെ ഉടന്‍ പ്രഖ്യാപിക്കും. പ്രമേയത്തെ കുറിച്ച്‌ സൂചനകള്‍ വന്നിട്ടില്ല. ദേവ് മോഹന്റെ കഥാപാത്രം ഏറെ അഭിനയപ്രാധാന്യമുള്ളതായിരിക്കും.