കറിക്ക് രുചി കുറഞ്ഞതിന് സുഹൃത്തിനെ കൊലപ്പെടുത്തിയ അതിഥി തൊഴിലാളി അറസ്റ്റില്
Published on 28 January, 2021
തിരുവനന്തപുരം: ഇറച്ചിക്കറിക്ക് രുചി കുറഞ്ഞെന്ന കാരണം പറഞ്ഞുണ്ടായ തര്ക്കത്തില് ഒപ്പം താമസിച്ച സുഹൃത്തിനെ കുത്തിക്കൊലപ്പെടുത്തിയ അതിഥി തൊഴിലാളി മൂന്നു വര്ഷത്തിനു ശേഷം അറസ്റ്റിലായി. ഒഡീഷ സ്വദേശി ബാലിയ നായിക് (26) ആണ് അറസ്റ്റിലായത്.
2018 ഡിസംബറിലാണ് കഴക്കൂട്ടത്ത് പാടിക്കവിളാകം ക്ഷേത്രത്തിനു സമീപം വാടക വീട്ടില് താമസിച്ചിരുന്ന സുഹൃത്തും ഒഡീഷ സ്വദേശിയുമായ ബിപിന് മഹാപത്ര (28) കുത്തേറ്റ് മരിച്ച നിലയില് കണ്ടത്. ബിപിന് മഹാപത്ര ഉണ്ടാക്കിയ ഇറച്ചിക്കറിക്ക് രുചി കുറവാണെന്നു പറഞ്ഞുണ്ടായ തര്ക്കത്തിനൊടുവിലാണ് കുത്തി വീഴ്ത്തിയത്.
അന്നു തന്നെ നാട്ടിലേക്ക് രക്ഷപ്പെട്ട പ്രതിയെ കണ്ടെത്താനായി കഴക്കൂട്ടം അസി. കമ്മിഷണര് ആര്. അനില്കുമാറിന്റെ നേതൃത്വത്തില് പ്രത്യേക സംഘത്തെ നിയമിച്ചിരുന്നു. അസി. കമ്മിഷണറും കഴക്കൂട്ടം ഇന്സ്പെക്ടര് ജെ.എസ്. പ്രവീണും അടങ്ങുന്ന സംഘം ഒഡീഷയില് നിന്ന് അറസ്റ്റ് ചെയ്തത്.
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല