പ്രണയത്തിന്റെ പഴയകാല സമരണകൾ! അത് ജീവിതാന്ത്യംവരെയും നിലനില്ക്കും ചിലപ്പോൾ 'അലർമെത്തയിൽ കിടന്നുരുളും' "അനുരാഗത്തിന്റെയലർമെത്ത തന്മേ- ലവശ ഞാൻ കിടന്നുരുളുമ്പോൾ അവിടുന്നെന്നുടെയരികിലെത്തി ,ഞാൻ സുഖസുഷുപ്തിയിൽ മുദിതയായ് അകളങ്കമെന്റെ ഹൃദയമങ്ങേക്കാ- യടിമവെച്ചു ഞാൻ ചാരിതാർത്ഥ ഒരു മിന്നലങ്ങു മറവായി, പെട്ടെ- ന്നിരുളിൻ കംബള വിരിവീണു കരകയാണുന്നുമുതലീ ഞാൻ തവ കഴലിനെ കണ്ടു തൊഴുതീടാൻ" (ഹൃദയാഞ്ജലി -ഇടപ്പള്ളി ) -വിദ്യാധരൻ

നന്നായി, രസിച്ചു. അഭിനന്ദനം. എന്നാലും പഹയാ, ഇതൊക്കെ ഇപ്പോഴും ഓർക്കുന്നത് ശരിയല്ല. ഓർമ്മകളെ പിടിച്ചുനിർത്താനാവില്ലല്ലൊ! അപ്പോ, ഇതാണു കാര്യം!

ശ്രീ ആൻഡ്രുസ് പ്രണയത്തിന്റെ രാജകുമാരനാണ്. അദ്ദേഹം ജീവിതത്തെ കൗതുകത്തോടെ നോക്കി കാണുമ്പോൾ ഭൂതവും വർത്തമാനവും ഒന്നായി കാണുന്നു. പ്രണയിനികൾ തൊട്ടടുത്ത് നിൽക്കുന്ന പ്രതീതി അനുഭവപ്പെടുന്നു. അപ്പോഴാണ് മുന്നിലൂടെ കലണ്ടറുകൾ മാറിമറിഞ്ഞ കാഴ്ച്ച. അപ്പോൾ പ്രണയത്തിന്റെ മഴച്ചാറ്റൽ ഏറ്റു ഓർമ്മകളുടെ പട്ടുതൂവാല തേടുന്നു. പ്രണയിക്കുക പ്രിയപ്പെട്ട .ചങ്ങാതി..കാലം എന്നും താങ്കൾക്ക് മുന്നിൽ തോറ്റിട്ടേയുള്ളു. അഭിനന്ദങ്ങൾ !

പ്രണയം മനസ്സിലുള്ളവർ നന്മയുള്ളവരാണ്. ശ്രീ ആൻഡ്രുവിനു അത് ധാരാളം ഉള്ളതായി കാണുന്നു. ആരോ ഒരാൾ ശ്രീ ആൻഡ്രുവിനെ നിരീശ്വരനായി കണക്കാക്കികൊണ്ട് കമന്റ് ഇട്ടിരുന്നു. നിരീശ്വരൻ എന്ന വാക്കിനു ആ കമന്റ് post ചെയ്ത ആളുടെ നിർവചനം ബൈബിൾ കണ്ണടച്ച് വിശ്വസിക്കാത്തവൻ എന്നായിരിക്കും. അയാളെ നമുക്ക് പിന്നീട് വിചാരണ ചെയ്യാം. ശ്രീ ആൻഡ്രു പ്രണയലേഖനം നന്നായിരുന്നു. പരമപണ്ഡിതനായ രാജു സാർ പോലും അഭിനന്ദിച്ചു . എന്റെയും വിനീതമായ അഭിനന്ദനം.