പപ്പീലിയോ ബുദ്ധയ്ക്ക് കേന്ദ്ര സെന്‍സര്‍ ബോര്‍ഡ് സര്‍ട്ടിഫിക്കറ്റ് നല്‍കി
Published on 13 January, 2013
സെന്‍സര്‍ ബോര്‍ഡ് അനുമധി നിഷേധിച്ച പപ്പീലിയോ ബുദ്ധക്ക് കേന്ദ്ര സെന്‍സര്‍ ബോര്‍ഡ് സര്‍ട്ടിഫിക്കറ്റു നല്‍കി. ന്യൂയോര്‍ക്കിലെ ജയന്‍ ചെറിയാന്‍ സംവിധാനം നിര്‍വഹിച്ച ഈ ചലച്ചിത്രം നിര്‍മ്മിച്ചിരിക്കുന്നത് കായല്‍ ഫിലിംസും സിലിക്കണ്‍ മീഡിയയും ആണ്. വയനാട്ടിലെ ദളിതരുടെ ജീവിത പശ്ചാത്തലത്തിലൂടെ അവരുടെ കഥ പറയുന്ന ഈ ചിത്രം ഇതിനോടകംതന്നെ ചര്‍ച്ചാ വിഷയമായിട്ടുണ്ട്. സെന്‍സര്‍ സര്‍ട്ടിഫിക്കറ്റ് കിട്ടിയതോടുകൂടി കേരളത്തില്‍ റിലീസു ചെയ്യാനുള്ള തീരുമാനത്തിലാണ് ഇതിന്റെ നിര്‍മ്മാതാക്കള്‍.
സ്തീകള്‍ക്കെതിരായ പീഡനങ്ങള്‍ ഏറ്റവും കൂടുതല്‍ ഉണ്ടായിക്കൊണ്ടിരിക്കുന്ന ഇന്നത്തെ ഈ സാഹചര്യത്തില്‍ ദളിതരെ എല്ലാ അര്‍ത്ഥത്തിലും പീഡിക്കപെടുന്ന പച്ചയായ യാഥാര്‍ത്ഥ്യങ്ങളെ അഭ്രപാളികളിലുടെ വരച്ചുകാട്ടുകയാണ് ജയന്‍ ചെറിയാന്‍ എന്ന സ്വവിധായകന്‍. മലയാളത്തിലെ മുഖ്യധാര അഭിനേതാക്കളായ തമ്പി ആന്റണി ,പ്രകാശ് ബാരെ, പദ്മപ്രിയ എന്നിവരും ഈ ചിത്രത്തില്‍ അഭിനയിച്ചിരിക്കുന്നു. വയനാടിന്റെ മനോഹര ദൃശ്യങ്ങള്‍ കാമറയില്‍ പകര്‍ത്തിയിരിക്കുന്നത് പ്രശസ്ത ചായഗ്രഹകന്‍ എം. ജെ രാധാകൃഷ്ണനാണ് മറ്റു പ്രധാന അഭിനേതാക്കള്‍ സരിതാ സുനില്‍, ശ്രീകുമാര്‍ ശ്രീ, കല്ലേന്‍ പൊക്കുടന്‍ എന്നിവരാണ്. പി . സുരേന്ദ്രനും, ജയന്‍ ചെറിയാനും തിരകഥ എഴുതിയ പപ്പീലിയോ ബുദ്ധയില്‍ മലയാളി താരങ്ങളെ കൂടാതെ അമേരിക്കന്‍ താരം ഡേവിഡ് ബിഗ്ഗിന്‍സും അഭിനയിക്കുന്നു. എല്ലാവരും പ്രതീഷയോടെ കാത്തിരിക്കുന്ന ഈ ചലച്ചിത്രം ഫെബ്രുവരിയില്‍ രമ്യാ മൂവീസ് തീയറ്ററില്‍ എത്തിക്കുന്നു.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala