പ്രഥമ അയര്‍ലന്‍ഡ് ക്‌നാനായ സംഗമം അഭിമാന നിമിഷങ്ങളായി…
റേയി ചേലമലയില്‍ Published on 04 October, 2011
അയര്‍ലന്‍ഡിലെ ക്‌നാനായക്കാരുടെ കുടുംബസംഗമവും ഓണാഘോഷവും ഡബ്‌ളിനില്‍ ഒക്‌ടോബര്‍ 1 ശനിയാഴ്ച നടത്തപ്പെട്ടു. അയര്‍ലന്‍ഡിന്റെ നാനാഭാഗത്തുള്ള ക്‌നാനായക്കാര്‍ ആവേശത്തോടെ സംഗമത്തില്‍ സമ്മേളിച്ചു. ക്‌നാനായ സമുദായത്തെകുറിച്ചുള്ള വിശ്വാസികളുടെ അഭിമാനബോധത്തില്‍ ഈ കുടിയേറ്റ കൂട്ടായ്മ വേറിട്ട അനുഭവമായി. വിവിധ കലാപരിപാടികള്‍ , ബെന്‍ഫാസ്റ്റ് ക്‌നാനായ കൂട്ടായ്മയുടെ ശിങ്കാരിമേളം, ഗാനമേള തുടങ്ങിയവ സമ്മേളനത്തെ താളമേള വര്‍ണ്ണഘോഷമാക്കി. വിവിധ പരീക്ഷകളില്‍ ഉന്നത വിജയം കരസ്ഥമാക്കിയ കുട്ടികള്‍ക്ക് കെ.സി.എ.ഐ എക്‌സലന്‍സ് അവാര്‍ഡ് തദ്ദവസരത്തില്‍ നല്‍കപ്പെട്ടു.
ആകാശ് ജ്യോതിസ് പാറപ്പുറത്ത്, കിരണ്‍ ഷാജു പുളിംതൊട്ടിയില്‍ , സിന്‍ജു സണ്ണി എളംകുളത്ത്, എന്നിവരാണ് ഈ വര്‍ഷം അവാര്‍ഡിന് അര്‍ഹരായത്. കെ.സി.എ.ഐ പ്രസിഡന്റ് സജീവ് തോമസ് നന്ദികുന്നേലിന്റെ അദ്ധ്യക്ഷതയില്‍ ചേര്‍ന്ന യോഗത്തില്‍ നോര്‍തേണ്‍ അയര്‍ലന്റ് ക്‌നാനായ കൂട്ടായ്മ പ്രസിഡന്റ് ശ്രീ. സജി പനങ്കാലായില്‍ , കോര്‍ക്ക് യൂണിറ്റിനെ പ്രതിനിധീകരിച്ച് ശ്രീ. സാബു കുര്യന്‍ കണ്ടത്തില്‍ തുടങ്ങിയവര്‍ പ്രസംഗിച്ചു. സെക്രട്ടറി ജോബി വട്ടമറ്റം റിപ്പോര്‍ട്ട് അവതരിപ്പിച്ചു. ട്രഷറര്‍ ജോര്‍ജ്ജുകുട്ടി ചിറപ്പുറത്ത് സ്വാഗതവും ജോ.സെക്രട്ടറി മേഴ്‌സി എബ്രഹാം ആലുങ്കല്‍ നന്ദിയും പറഞ്ഞു.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala