Image

ഭൗതികശാസ്ത്രത്തിനുള്ള നൊബേല്‍സമ്മാനംമൂന്നുപേര്‍ക്ക്‌

Published on 04 October, 2011
ഭൗതികശാസ്ത്രത്തിനുള്ള നൊബേല്‍സമ്മാനംമൂന്നുപേര്‍ക്ക്‌
സ്റ്റോക്ക്‌ഹോം: പ്രപഞ്ചവികാസത്തിന്റെ ആവേഗം വര്‍ദ്ധിക്കുന്നുവെന്ന് കണ്ടെത്തിയ മൂന്ന് ശാസ്ത്രജ്ഞര്‍ക്ക് ഭൗതികശാസ്ത്രത്തിനുള്ള ഈ വര്‍ഷത്തെ നൊബേല്‍സമ്മാനം.

അമേരിക്കന്‍ ശാസ്ത്രജ്ഞരായ സോള്‍ പേള്‍മട്ടര്‍, ആദം റൈസ് , ഓസ്‌ട്രേലിയന്‍ ശാസ്ത്രജ്ഞനായ ബ്രയന്‍ ഷമിറ്റ് എന്നിവരാണ് പുരസ്‌കാരം പങ്കിട്ടത്. 94 ലക്ഷം സ്വീഡിഷ് ക്രോണറാണ് സമ്മാനത്തുക. പേള്‍മട്ടറും ഷമിറ്റും സമ്മാനത്തുകയുടെ പകുതി പങ്കുവെക്കും. റൈസിന് സമ്മാനത്തുകയുടെ പകുതി ലഭിക്കും.

ടൈപ്പ് വണ്‍ സൂപ്പര്‍നോവയെക്കുറിച്ചാണ് മൂന്നുപേരും പഠനം നടത്തിയത്. കാലിഫോര്‍ണിയ സര്‍വകലാശാലയിലെ ശാസ്ത്രജ്ഞനാണ് പേള്‍മട്ടര്‍. ജോണ്‍സ് ഹോപ്കിന്‍സ് സര്‍വകലാശാലയിലെ ശാസ്ത്രജ്ഞനാണ് റൈസ് . ഷമിറ്റ് ഓസ്‌ട്രേലിയന്‍ നാഷണല്‍ യൂണിവേഴ്‌സിറ്റിയിലെ പ്രൊഫസറും.
Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക