തിരുവനന്തപുരം: സംസ്ഥാന തലസ്ഥാനത്ത്‌ ക്വട്ടേഷന്‍ സംഘങ്ങളുടെ സംഹാരതാണ്‌ഢവം തുടരുന്നു. ഇന്നലെ തിരുവനന്തപുരം കരകുളത്ത്‌ ആറംകല്ലില്‍ രണ്ടുപേരെ സംഘം വെട്ടിക്കൊന്നു. ബൈക്കിലെത്തിയ അക്രമിസംഘമാണ്‌ കൊലപാതകം നടത്തിയത്‌. ബുധനാഴ്‌ച രാത്രിയാണ്‌ സംഭവം. പേരൂര്‍ക്കട സ്വദേശി പ്രവീണാണ്‌ മരിച്ച ഒരാള്‍. കൊല്ലപ്പെട്ടവരില്‍ ഒരാളെ തിരിച്ചറിഞ്ഞിട്ടില്ല. മരിച്ച ഒരാളുടെ അരയില്‍നിന്നു പോലീസ്‌ ആയുധം കണ്ടെടുത്തു. പോലീസ്‌ അന്വേഷണം ആരംഭിച്ചു.