റാസല്ഖൈമ: വിവിധ രാജ്യങ്ങളില് നിന്നുള്ള 85 തടവുകാരെ വിട്ടയക്കാന് സുപ്രീം
കൗണ്സില് അംഗവും റാസല്ഖൈമ ഭരണാധികാരിയുമായ ഷെയ്ഖ് സഊദ് ബിന് സഖര് ആല്
ഖാസിമി ഉത്തരവിട്ടു.
ഈദുല് അദ്ഹ പ്രമാണിച്ചാണ് ഇവരെ വിട്ടയക്കാന്
തീരുമാനിച്ചത്. ശിക്ഷാ കാലയളവില് ജയില് അച്ചടക്ക നടപടികള് അംഗീകരിക്കുകയും
മികച്ച സ്വഭാവം പ്രകടിപ്പിക്കുകയും ചെയ്തവരെയാണ് മോചിപ്പിക്കുക. ഇവരുടെ
സാമ്പത്തിക ബാധ്യതകളും പിഴകളും ഷെയ്ഖ് സഊദ് ബിന് സഖര്
ഏറ്റെടുക്കും.
നാട്ടിലെത്തി കുടുംബത്തോടൊപ്പം പെരുനാള് ആഘോഷിക്കാന്
അവസരമൊരുക്കുകയെന്ന മാനുഷിക പരിഗണന വച്ചാണ് ഇവരെ മോചിപ്പിക്കുന്നതെന്ന് അധികൃതര്
വ്യക്തമാക്കി. തടവുകാര്ക്ക് മാപ്പ് നല്കാനുള്ള ഭരണാധികാരിയുടെ തീരുമാനത്തിന്
റാസല്ഖൈമ കോടതി വിഭാഗം മേധാവി അഹ്മദ് മുഹമ്മദ് അല് ഖാദ്രി നന്ദി
അറിയിച്ചു.
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല