സാന്ഹൊസെ: അമേരിക്കയില് വിജയകരമായി പര്യടനം നടത്തുന്ന മീരാ ജാസ്മിന്, സുരാജ്
വെഞ്ഞാറമൂട്, വിധു പ്രതാപ് തുടങ്ങിയ മലയാള സിനിമയിലെ പ്രമുഖര് അണിനിരക്കുന്ന
താരസമന്വയം ഷോയുടെ കലാശക്കൊട്ട് സിലിക്കണ്വാലിയില് ജൂണ് 12-ന് അരങ്ങേറും.
സാന്ഫ്രാന്സിസ്കോയ്ക്ക് അടുത്തുള്ള കൂപ്പര്ട്ടീനോ നഗരത്തില് വെച്ചാണ്
പരിപാടി അരങ്ങേറുന്നത്. സുപ്രസിദ്ധ കംപ്യൂട്ടര് കമ്പനിയായ ആപ്പിളിന്റെ
ആസ്ഥാനത്തിനാണ് ഈ പട്ടണം പ്രസിദ്ധം. ആപ്പിളിന് സമീപമുള്ള ഡി ആന്സാ കോളജിലെ
ഫ്ളിന്റ് സെന്ററില് വെച്ചാണ് പരിപാടി അരങ്ങേറുന്നത്.
നോണ്പ്രോഫിറ്റ് സംഘടനയായ ക്ലബ് കാലിഫോര്ണിയ സംഘടിപ്പിക്കുന്ന ഈ
ഷോയ്ക്കുള്ള എല്ലാ തയാറെടുപ്പുകളും പൂര്ത്തിയായി. വൈകീട്ട് അഞ്ചുമണിക്ക് ഷോ
ആരംഭിക്കും.
പരിപാടിയ്ക്കൊപ്പം കേരളാ ക്ലബിന്റെ ഇക്കൊല്ലത്തെ ഇയര്ബുക്കും
പുറത്തിറക്കുന്നതായിരിക്കും. സിലിക്കണ്വാലിയിലെ മലയാളികളുടെ സാഹിത്യസൃഷ്ടികള്,
ഫോട്ടോകള്, പെയിന്റിംഗുകള്, പാചക കുറിപ്പുകള്, കോളജ്
വിദ്യാര്ത്ഥി-വിദ്യാര്ത്ഥിനികളുടെ ഇടയില് നടത്തിയ സര്വ്വെ എന്നിവ അടങ്ങിയ
മനോഹരമായ ഇയര് ബുക്കിന്റെ അച്ചടി പൂര്ത്തിയായിക്കഴിഞ്ഞു.
പരിപാടിയില്
പങ്കെടുക്കാനും, കേരള ക്ലബിന്റെ സംരംഭങ്ങളെ പിന്തുണയ്ക്കാനും സംഘടാകര്
അഭ്യര്ത്ഥിക്കുന്നു. വിശദവിവരങ്ങള് വെബ്സൈറ്റില് .http://www.keralaclubca.org
ഫോണ്: 510 545 2582.