കുവൈറ്റില് ജനുവരി 1 മുതല് ചെമ്മീന് പിടിക്കുന്നതിന് വിലക്ക്
Published on 30 December, 2011
കുവൈത്ത് സിറ്റി: രാജ്യത്തിന്െറ സമുദ്രപരിധിക്കുള്ളില് ചെമ്മീന്
പിടിക്കുന്നതിന് അധികൃതര് വിലക്ക് ഏര്പ്പെടുത്തി. ജനുവരി 1 മുതല്
സെപ്റ്റംബര് ആദ്യവാരം വരെയാണ് വിലക്ക്. പ്രജനനകാലം കണക്കിലെടുത്ത് ചെമ്മീന്
സംരക്ഷണത്തിന്െറ ഭാഗമായാണ് വിലക്ക് ഏര്പ്പെടുത്തിയിരിക്കുന്നതെന്ന് അധികൃതര്
വ്യക്തമാക്കി.
ഇതുസംബന്ധിച്ച് പബ്ളിക് അതോറിറ്റി ഫോര് അഗ്രികള്ച്ചറല്
അഫയേഴ്സ് ആന്റ് ഫിഷ് റിസോഴ്സസ് (പാഫര്) ഉത്തരവ് പുറപ്പെടുവിച്ചു. ഈ
കാലയളവിനുള്ളില് ചെമ്മീന് പിടിക്കുന്നത് നിയമനടപടി നേരിടേണ്ടിവരുന്ന കുറ്റമായി
കണക്കാക്കും. കൂടാതെ ഈ കാലയളവില് ചെമ്മീന് ഇറക്കുമതിക്ക് പാഫര് വഴി മാത്രമേ
അനുമതിയുണ്ടായിരിക്കുകയുള്ളൂ.
വിലക്ക് ലംഘിച്ച് ചെമ്മീന് പിടിക്കുന്നവരെ
പിടികൂടാന് സമുദ്ര സംരക്ഷണ സേനക്കും കോസ്റ്റ് ഗാര്ഡിനും പ്രത്യേക നിര്ദേശം
നല്കിയിട്ടുണ്ട്. കഴിഞ്ഞ വര്ഷവും ഇതേ കാലാളവില് വിലക്ക്
ഏര്പ്പെടുത്തിയിരുന്നു.
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല