"മനസ്സിലെ മോഹങ്ങൾക്കും സ്വപ്നങ്ങൾക്കും വേണ്ടി മരണംവരെ പോരാടിയവനാണ് സാജൻ സമായാ"

അവിടം വരെ  ശ്വാസം പിടിച്ചിരുന്നാണ് വായിച്ചത്. സംഭവത്തിന്റെ ആകസ്മികതയും വികാരവും കൈവിടാതെ  കളങ്കം എല്ക്കാത്ത മലയാള ഭാഷയിൽ എഴുതിയ സംഭവ കഥയിൽ എഴുത്തിന്റെ  പ്രവാഹം അനുഭവപ്പെട്ടു.  പക്ഷേ ശ്രേഷ്ഠ ഭാഷയുടെയും അമ്മയുടെയും സഹായ ഹസ്തങ്ങൾ തേടുന്ന ഭാഗം വന്നപ്പോൾ വൈകാരികത നഷ്ടപ്പെട്ടു പോയത്പോലെ തോന്നി.  മലയാളത്തിന്റെ ശ്രേഷ്ഠ ഭാഷാ പദവിയും സിനിമയിലെ അമ്മയും കുറെ വ്യക്തികളുടെ സ്വാർത്ഥ താത്പര്യങ്ങളുടെ സന്തതികളാണ്.  മമ്മൂട്ടിയും മോഹൻലാലും പറയുന്നത് കേൾക്കുന്ന അമ്മ, വിദേശ യാത്ര സെമിനാറ് കള്ളടി തുടങ്ങിയവക്കായി ചില കേരളത്തിലെ കുടിലചിത്തരായ സാഹിത്യമാടമ്പികൾ ഉണ്ടാക്കിയെടുത്ത ശ്രേഷ്ഠത (ലക്ഷക്കണക്കിന് പണവുമായി ഇതെല്ലാം ബന്ധപ്പെട്ടു കിടക്കുന്നു ).  ഇവരോട് സാഹായം ചോദിക്കുന്നത് ഗുരുത്വം ഇല്ലായ്മയാണ് ( യാജ്ഞാ ഗുരുത്വം ഗുണാത്മ പൂജാ, ചിന്താബലം ഹന്ത്യ ദയാദി ലക്ഷ്മീം ).  

സാജൻ കുര്യന്റെ ആത്മാവ് വഞ്ചനയും ചതിയും ഇല്ലാത്ത ലോകത്ത്  ശാന്തമായി കഴിയെട്ടെ