ബഹു. മുഖ്യമന്ത്രി ശ്രീ ഉമ്മന്‍ചാണ്ടി
ശ്രീ. വി.എം. സുധീരന്‍ (കെ.പി.സി.സി പ്രസിഡന്റ്)
ശ്രീ. പിണറായി വിജയന്‍ (സി.പി.എം പോളിറ്റ് ബ്യൂറോ അംഗം)
ശ്രീ. വി.എസ് അച്യുതാനന്ദന്‍ (പ്രതിപക്ഷ നേതാവ്)
ശ്രീ കൊടിയേരി ബാലകൃഷ്ണന്‍ (സി.പി.എം സംസ്ഥാന സെക്രട്ടറി)
ശ്രീ. കുമ്മനം രാജശേഖരന്‍ (പ്രസിഡന്റ്, ബി.ജെ.പി)

1). ആദരണീയനായ ടി.പി. ശ്രീനിവാസനെ മര്‍ദ്ദിച്ചതില്‍ പ്രവാസികളായ ഞങ്ങളുടെ കടുത്ത ആശങ്ക രേഖപ്പെടുത്തുന്നു. ഏതൊരു സാഹചര്യത്തിലും മറ്റൊരാളെ ആക്രമിക്കാന്‍ ആര്‍ക്കും അവകാശമില്ല. നിയമവാഴ്ചയുള്ള സ്ഥലത്ത് എതിരാളികളെ നിയമാനുസരണമാണ് നേരിടേണ്ടത്.

അക്രമത്തിന്റെ സംസ്‌കാരം കേരളത്തില്‍ ശക്തിപ്പെടുന്നതിന്റെ മറ്റൊരു തെളിവാണിത്. അക്രമം മഹനീയമാണെന്നും, മറ്റുള്ളവരെ ആക്രമിക്കുന്നതില്‍ തെറ്റില്ലെന്നുമുള്ള ചിന്താഗതി വളരുന്നു. സിനിമകളെല്ലാം അത്തരം സംസ്‌കാരത്തെ മഹത്വവത്കരിക്കുന്നു. രാഷ്ട്രീയ പാര്‍ട്ടികളും നേതാക്കളും അക്രമങ്ങള്‍ കണ്ടില്ലെന്നു നടിക്കുകയോ, അതിനെ ന്യായീകരിക്കുകയോ ചെയ്യുന്നു.

സംസ്‌കാര സമ്പന്നരായ ഒരു ജനതയ്ക്ക് ഇതൊട്ടും ഭൂഷണമല്ല.

2). വിദ്യാഭ്യാസ രംഗത്ത് കേരളം പിന്നോക്കം പോകുതില്‍ ഞങ്ങള്‍ അത്യന്തം ദുഖിതരാണ്. കേരളത്തില്‍ നിന്നു ലഭിച്ച വിദ്യാഭ്യാസത്തിന്റെ ബലത്തിലാണ് അന്യ നാട്ടില്‍ വന്ന് ഞങ്ങളൊക്കെ ഒരു കരപറ്റിയത്.

പക്ഷെ ഇപ്പോള്‍ കേരളത്തില്‍ നിന്ന് ഐ.ടിക്കാരായൂം മറ്റും അമേരിക്കയില്‍ എത്തുന്നവരുടെ എണ്ണം വിരലിലെണ്ണാവുന്ന സ്ഥിതിയായിട്ടുണ്ട്. പകരം ആന്ധ്രയില്‍ നിന്നു യുവജനം ഐ.ടിക്കാരായും ഉപരിപഠനത്തുനുള്ള വിദ്യാര്‍ഥികളായും അമേരിക്കയില്‍ ഇരച്ചുകയറുന്നു.

കേരളത്തില്‍ യുവാക്കളില്ലേ? ഐ.ടി പഠിപ്പിക്കുന്നില്ലേ? അവര്‍ അമേരിക്കയില്‍ വന്ന് കുറച്ച് പണമുണ്ടാക്കിയാല്‍ അത് കേരളത്തിനല്ലേ ഗുണപ്രദമാകുക? അതോന്നും വേണ്ടേ?

എന്തുകൊണ്ടാണ് വലിയ വിദ്യാഭ്യാസ പാരമ്പര്യമുള്ള കേരളത്തില്‍ നിന്ന് ഐ.ടിയിലും മറ്റും വിദഗ്ധര്‍ ഉണ്ടാകാത്തത്? ഇതു മാറ്റാന്‍ എന്തു നടപടിയാണ് സ്വീകരിക്കുന്നത്? അതോ കേരളീയ ജനത കേരളത്തില്‍ മാത്രം കഴിഞ്ഞാല്‍ മതിയോ?

3). ടി.പി. ശ്രീനിവാസന്‍ നേതൃത്വം കൊടുക്കാനിരുന്നആഗോള വിദ്യാഭ്യാസ സംഗമം, വിദ്യാഭ്യാസ കച്ചവടമാണെന്നു് പറയയുന്നത് ശരിയാണോ? ഫിക്കിയുടെ പ്രമാണരേഖയനുസരിച്ചുള്ള ഒരു ശ്രമമാണ് അതെന്നാണ് മനസിലാകുന്നത്. അതു നടപ്പിലായാല്‍ പ്രവാസികളുടെയൊക്കെ മക്കള്‍ക്ക് കേരളത്തില്‍ വന്ന് വിദ്യാഭ്യാസം നേടാം. ഇപ്പോള്‍ കരീബിയനിലും മറ്റും വിട്ടു കുട്ടികളെ പഠിപ്പിക്കുന്നത് ഒഴിവാക്കാം.

ഇത്തരം കാര്യങ്ങള്‍ വിശദമായി പഠിക്കാനും ദീര്‍ഘകാല നയം രൂപീകരിക്കാനുമായി പ്രത്യേക കമ്മിറ്റികളെ തന്നെ താങ്കളുടെ പാര്‍ട്ടി നിയോഗിക്കണമെഭ്യര്‍ത്ഥിക്കുന്നു. വ്യ്ക്തമായ നയവും ഇക്കാര്യങ്ങളില്‍ ഉണ്ടാകണം.