ഫിലാഡല്‍ഫിയ ശ്രീ നാരായണ അസോസിയേഷന്റെ ഗുരു ജയന്തിയും ഓണാഘോഷവും ചരിത്രവിജയമായി.
മാര്‍ട്ടിന്‍ വിലങ്ങോലില്‍ Published on 27 September, 2016
ഫിലാഡല്‍ഫിയ: ഫിലാഡല്‍ഫിയ ശ്രീ നാരായണ അസ്സോസിയേഷന്റെ ആഭിമുഖ്യയത്തില്‍ 162 ആമത് ശ്രീ നാരായണ ഗുരുദേവ ജയന്തിയും ഓണാഘോഷവും വൈവിദ്ധ്യമാര്‍ന്ന പരിപാടികളോടുകൂടി ആഘോഷിച്ചു. പരിപാടികളുടെ കേളികൊട്ട് തുകിലുണര്‍ത്തായി സമാരംഭിച്ച ഘോഷയാത്രയില്‍ കേരളീയ വസ്ത്രം അണിഞ്ഞു താലപ്പൊലി ഏന്തിയ വനിതകള്‍, വാദ്യമേളങ്ങള്‍, പീതപതാകകള്‍, മുത്തുക്കുടകള്‍, കസവ്‌വേഷ്ടി അണിഞ്ഞ പുരുഷ സമൂഹം എന്നിവയുടെ അകമ്പടിയോടെ ഗുരുദേവ ചിത്രം വഹിച്ചുകൊണ്ടുള്ള ഘോഷയാത്ര സമാപിച്ചത് ആഘോഷം നടക്കുന്ന ട്രിനിറ്റി ഹാളില്‍ ഒരുക്കിയ വര്‍ണ്ണ മനോഹരമായ അത്തപ്പൂ സവിധത്തിലാണ്.
തുടര്‍ന്ന് പ്രസിഡണ്ട് ശ്രീനിവാസന്‍ ശ്രീധരന്റെ അധ്യക്ഷധയില്‍ നടന്ന ജയന്തി ഓണം സാംസ്‌കാരിക സമ്മേളനം ബോധിതീര്‍ത്ഥ സ്വാമികള്‍ ഉത്ഘടനം ചെയ്തു. ചീഫ് ഗസ്റ്റ്ആയി പങ്കെടുത്ത ഡിസ്ട്രിക് ജഡ്ജ് ഹോണ്‍. ഹാരി ജെ. കെ മുഖ്യ പ്രഭാഷണം നടത്തി. പിന്നീട് പ്രൊഫ. കോശി തലക്കല്‍, ഡോ . നിഷ പിള്ള എന്നിവര്‍ നടത്തിയ പ്രസംഗങ്ങള്‍ അതീവ ശ്രദ്ധേയമായിരുന്നു. മറ്റുസ്‌റ്റേറ്റ്കളില്‍ നിന്നെത്തിയ സംഘടനാ ഭാരവാഹികള്‍, ഫിലാഡല്‍ഫിയ ശ്രീനാരായണ അസ്സോസ്സിയേഷന്‍ അംഗങ്ങള്‍ മുതല്‍ പേരുടെ പ്രസംഗങ്ങള്‍ തുടര്‍ന്ന് നടന്നു. സമ്മേളനാനന്തരം നടന്ന വിഭവസമൃദ്ധമായ ഓണസദ്യ വാഴയിലയില്‍ വിളമ്പിയത്, കേരളീയ സദ്യവട്ടത്തിന്റെ പാരമ്പര്യ നേര്‍പെരുമ അതിന്റെ സമസ്തത ഊഷ്മളതയോടും കൂടി അനുഭവവേദ്യമായി. ഉച്ചക്ക് ശേഷം നടന്ന വിവിധ കലാപരിപാടികള്‍ക്ക് മിഴിവും മികവുമേകിയതു സര്‍വ്വാഭരണ വിഭൂഷിതനായി ഓണച്ചമയം, കഥകളിച്ചമയങ്ങള്‍, പലതരം വേഷച്ചാര്‍ത്തോടെ പ്രേത്യക്ഷരായ അനുചരവൃന്ദം മുതലായവയാല്‍ പരിസേവിതനായി എഴുന്നള്ളിവന്ന മാവേലിത്തമ്പുരാന്റെ ദര്‍ശന സുകൃതത്തോടെയാണ്.
തിരുവാതിര, പലതരം ശാസ്ത്രീയ നൃത്തരൂപങ്ങള്‍, ശ്രീനാരായണ അസ്സോസ്സിയേഷന്‍ അംഗങ്ങളായ ബാലികമാര്‍ അവതരിപ്പിച്ച ക്ലാസ്സിക്കല്‍ ഡാന്‍സുകള്‍, മറ്റ് സിനിമാറ്റിക് ഡാന്‍സുകള്‍, സിനിമ പിന്നണി ഗായകരായ കാര്‍ത്തിക, ശബരിനാഥ് എന്നിവരുടെ ഗാനമേള എന്നിവ പിന്നീട് നടന്നു. തുടര്‍ന്ന് പ്രമുഖ ആര്‍ട്ടിസ്‌റ് മോഹന്‍ പ്ലാവിള അവതരിപ്പിച്ച ശ്രീ നാരായണ ചരിതം കഥകളി കാണികളുടെ പ്രശംസക്ക് പാത്രീഭൂതമായി. ആദ്യാവസാനം പരിപാടികളില്‍ പങ്കെടുത്ത മുഴുവന്‍ ആളുകള്‍ക്കും അത്യന്തം വിനോദകരമായ ഒരു അവിസ്മരണീയ കലാസന്ധ്യ സമ്മാനിച്ച ഫിലാഡല്‍ഫിയ ശ്രീനാരായണ അസ്സോസ്സിയേഷന്‍ ഭാരവാഹികളെ ഏവരും മുക്തകണ്ഠം പ്രശംസിച്ചു.
പ്രസിഡണ്ട് ശ്രീനിവാസന്‍ ശ്രീധരന്‍, ജനറല്‍ സെക്രട്ടറി ഡോ. ജെയ്‌മോള്‍ ശ്രീധര്‍, ട്രഷറര്‍ മ്യൂണിക് ഭാസ്‌കര്‍ എന്നിവര്‍ അടങ്ങുന്ന ടീം ആണ് പരിപാടികള്‍ സംവിധാനം ചെയ്തതും നേതൃത്വം വഹിച്ചതും.
.jpg)
.jpg)
.jpg)
.jpg)
.jpg)
.jpg)
Facebook Comments
Comments
vayanakaaran 2016-09-28 06:53:26
ജനനം ഈഴവനായിട്ടായതിനാൽ ശ്രീ ഗുരുദേവൻ ആ കുരുക്കിൽ പെട്ടുപോയി. അദ്ദ്ദേഹത്തെ ആദരിക്കുന്നതും പൂജിക്കുന്നതും ആ ജാതിക്കാർ മാത്രം. ഒരു ജാതി ഒരു മതം ഒരു ദൈവം എന്ന് ഗുരു പറഞ്ഞത് പാഴിലായി. സവർണ്ണറായി ജനിച്ച എല്ലാ സന്യാസിമാരെയും നാനാ ജാതിക്കാർ ആദരിക്കുന്നു,പൂജിക്കുന്നു. പാവം ഗുരു ഈഴവ സ്വാമിയായി തുടരുന്നു. ഈഴവ സമാജം എന്നപേരിലാണ് ഇത് സംഘടിപ്പിക്കേണത്. എന്തിനു ഗുരുവിന്റെ നാമം എടുക്കുന്നു. അദ്ദ്ദേഹം അത് ഒരിക്കലും ഇഷ്ടപ്പെടുകയില്ല. അമേരിക്കയിലെ ഗുരുവിന്റെ പിന് ഗാമികൾ എസ. എൻ. ഡി.പി. എന്നത് മാറ്റി ഈഴവ മുന്നേറ്റ കഴകം എന്നോ പേര് മാറ്റി ഗുരുവിനെ രക്ഷിക്കേണ്ടതാണ്. പ്രഗത്ഭ സംഘാടകരും ഗുരുവിന്റെ ദര്ശനങ്ങള് അറിയുന്നവരുമായ ശ്രീ ഉദയഭാനു പണിക്കർ, തുടങ്ങിയ മഹത്~ വ്യകതികൾ ഈ വിഷയം ചിന്തിക്കേണ്ടതാണ്.
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala