ചിക്കാഗോ: ഡിമോണട്ടൈസേഷനിലൂടെ 500/1000 രൂപ നോട്ടുകള്‍ അസാധുവാക്കിയ പ്രക്രിയയില്‍ നാട്ടിലേതെന്നതു പോലെ അമേരിക്കന്‍ മലയാളികളും, കുറച്ചേ ഉള്ളുവെങ്കിലും കൈയ്യിലുള്ള നോട്ടുകള്‍ എങ്ങനെ മാറും എന്ന ആശങ്കയിലാണ്. അംഗ സംഘടനകളില്‍ നിന്നുമുള്ള ഇതിനെ കുറിച്ചുള്ള ആശങ്കകള്‍ ഉയര്‍ന്നപ്പോള്‍ തന്നെ ഫോമാ എന്ന അമേരിക്കന്‍ സാംസ്ക്കാരിക സംഘടനകളുടെ സംഘടന ഇന്ത്യയിലെ വിദേശകാര്യ മന്ത്രാലത്തിലും, പ്രധാനമന്ത്രിയുടെ ഓഫീസുമായിട്ടും ഫോമാ പ്രസിഡന്റ് ബെന്നി വാച്ചാച്ചിറ ബന്ധപ്പെട്ടിരിന്നു. തുടര്‍ന്നു അമേരിക്കയില്‍ സന്ദര്‍ശനത്തിനെത്തിയ എം. ബി. രാജേഷ്, എം. പി.യുമായി സെക്രട്ടറി ജിബി തോമസും ബന്ധപ്പെട്ടിരുന്നു. ഈ വിഷയം ഗൗരവമായിട്ടെടുത്തു പ്രശ്‌നവുമായി ബന്ധപ്പെട്ട് തന്റെ പിന്‍തുണയും അദ്ദേഹം അറിയിച്ചു.

തുരങ്കത്തിന്റെ അറ്റത്ത് വെളിച്ചം കണ്ട് തുടങ്ങി എന്ന് വേണം കരുതാന്‍. ഏറ്റവും പുതിയ വിവരം അനുസരിച്ച്, അമേരിക്കയില്‍ നിന്നും നാട്ടിലേക്ക് യാത്ര ചെയ്യുമ്പോള്‍ ഇരുപത്തയ്യായിരം (25,000) ഇന്ത്യന്‍ രൂപ വരെ കൈയ്യില്‍ കരുതാം. ഇതോടൊപ്പമുള്ള സന്തോഷവാര്‍ത്ത, ഇങ്ങനെ യാത്ര ചെയ്യാന്‍ കഴിയാത്തവരുടെ പണവും ഇവരുടെ കൈയ്യില്‍ കൊടുത്തു വിടാമെന്നുള്ളതാണ്.