ഫൈസലിന്റെ മാതാവ് ഇസ്ലാം മതം സ്വീകരിച്ചു
Published on 09 December, 2016
തിരൂരങ്ങാടി: മതം മാറിയതിന്റെ പേരില്‍
കൊടിഞ്ഞിയില്‍ കൊല്ലപ്പെട്ട പുല്ലാണി ഫൈസലിന്റെ മാതാവ് മിനിമോള്‍ ഇസ്ലാം
മതം സ്വീകരിച്ചു. വെള്ളിയാഴ്ച പൊന്നാനി മഊനത്തുല്‍ ഇസ്ലാം സഭയിലത്തെിയാണ്
ഔദ്യോഗികമായി ഇസ്ലാം സ്വീകരിച്ചത്. മകന്‍ മുസ്ലിമായത് തന്റെ പൂര്‍ണ
സമ്മതത്തോടെയായിട്ടും വെട്ടിക്കൊലപ്പെടുത്തിയത് മാതാവിനെയും കുടുംബത്തെയും
തീരാദു:ഖത്തിലാഴ്ത്തിയിരുന്നു.
കേസിലെ മുഖ്യസൂത്രധാരകനായ ഹരിദാസ് ഗൂഢാലോചനക്ക് ഉപയോഗിച്ച് മറ്റൊരു വീട്ടില്‍ ഉപേക്ഷിച്ച സ്‌കൂട്ടര്‍ പൊലീസ് കണ്ടെടുത്തു. കൊലനടത്തിയ മുഖ്യപ്രതികളായ ബാബു, അപ്പു, കുട്ടാപ്പു എന്നിവരുമായി ഹരിദാസന് ബന്ധമുണ്ടെന്നും സൂചന ലഭിച്ചിരുന്നു. മേലേപ്പുറത്തെ സ്‌കൂളില്‍ യോഗം ചേര്‍ന്ന ശേഷം തിരൂരിലെ മഠത്തില്‍ നാരായണനുള്‍പ്പെടെയുള്ളവര്‍ കൊടിഞ്ഞിയില്‍ വന്നതും പരിസര നിരീക്ഷണം നടത്തി മടങ്ങിയതും ഹരിദാസിന്റെ സഹായത്തോടെയാണെന്നും അറിവായിട്ടുണ്ട്.
മുഖ്യപ്രതികളില്‍ മൂന്നുപേര്‍ ഇപ്പോഴും ഒളിവിലാണെന്ന് പൊലീസ് വൃത്തങ്ങള്‍ സൂചന നല്‍കി. യാസിര്‍ വധക്കേസിലെ പ്രതിയായ തൃക്കണ്ടിയൂര്‍ മഠത്തില്‍ നാരായണന്‍ സംസ്ഥാനം വിട്ടതായും സൂചന ലഭിച്ചു. പാലക്കാട്, കൊല്ലം ജില്ലകളില്‍ ഒളിവില്‍ കഴിഞ്ഞ നാരായണന്‍ പിടിക്കപ്പെടുമെന്ന് ഉറപ്പായതോടെ കേരളം വിട്ടതായാണ് വിവരം. മുഖ്യപ്രതികളില്‍ ഒരാളായ മംഗലം പുല്ലൂണി സ്വദേശിയെക്കൂടി പിടികൂടാനുണ്ട്.
നവംബര്‍ 19ന് പുലര്‍ച്ചെയാണ് ഫൈസലിനെ ബൈക്കിലത്തെിയ നാല്‍വര്‍സംഘം വധിച്ചത്. 20ന് സൗദിയിലേക്ക് മടങ്ങാനിരിക്കെയാണ് നാടിനെ നടുക്കിയ ദാരുണ സംഭവം നടന്നത്. ഫൈസല്‍ ഇസ്ലാം മതം സ്വീകരിച്ചതിനു പിന്നാലെ ഭാര്യയും മൂന്ന് മക്കളും മതം മാറിയതാണ് സംഘ്പരിവാര്‍ സംഘത്തെ കൊലയിലേക്ക് നയിച്ചത്. സഹോദരീ ഭര്‍ത്താവിന്റെ ആവശ്യപ്രകാരമാണ് സംഘ്പരിവാര്‍ യോഗം ചേര്‍ന്നത്. യോഗം തീരുമാനപ്രകാരം തിരൂരിലെ നാരായണനെയാണ് മുഖ്യസൂത്രധാരന്‍ ഹരിദാസന് ദൗത്യം ഏല്‍പ്പിച്ചത്. ഈ കേസില്‍ 11 പ്രതികളെയാണ് ഇതുവരെ പൊലീസ് അറസ്റ്റ് ചെയ്തത്. (Madhyamam)
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala