മുളഞ്ചെണ്ട, മുളത്തുടി, ഓണവില്ല്‌ എന്നീ ഉപകരണങ്ങളാണ്‌ പ്രധാനമായും ഉപയോഗിച്ചത്‌. സംഗീതോപകരണങ്ങളില്‍ പലതും സംഘാംഗങ്ങള്‍ സ്വയം ഉണ്ടാക്കിയതാണ്‌. സംഗീതത്തോടുള്ള താത്‌പര്യം മാത്രം കൈമുതലാക്കിയ എട്ടംഗ സംഘം വിവിധ രാഗങ്ങള്‍ കോര്‍ത്തിണക്കിയാണ്‌ കാണികളെ കൈയ്യിലെടുത്തത്‌. ഡയറക്‌ടര്‍ വിനോദ്‌ , സുജില്‍, പ്രദീപ്‌ ആറങ്ങോട്ടുകര എന്നിവര്‍ ചേര്‍ന്നാണ്‌ പരിപാടി നയിച്ചത്‌. 

 
തുടര്‍ന്ന്‌ കുട്ടപ്പനും സംഘവും അവതരിപ്പിച്ച നാടന്‍പാട്ടും അരങ്ങിലെത്തി. മരം, തുടി, കരു, ചെണ്ട, തകില്‍ തുടങ്ങി നാടന്‍ ഉപകരണങ്ങള്‍ ശീലുകള്‍ക്ക്‌ മാറ്റേകി. കരിങ്കാളിത്തെയ്യം, പരുന്ത്‌, എന്നീ വേഷങ്ങള്‍ കാണികള്‍ക്ക്‌ ദൃശ്യവിരുന്നൊരുക്കി.