നേരത്തെ കളേഴ്‌സ്‌ ടി.വിയുടെ ബിഗ്‌ ബോസ്‌ റിയാലിറ്റി ഷോയില്‍ നിന്നും സഹമത്സരാര്‍ത്ഥികളായ സ്‌ത്രീകളോട്‌ മോശമായി പെരുമാറിയതിന്റെ പേരില്‍ പുറത്താക്കപ്പെട്ട ഓം സ്വാമി വിവാദങ്ങളിലൂടെ വീണ്ടും വാര്‍ത്തകളില്‍ നിറയുകയാണ്‌. കഴിഞ്ഞ ദിവസം ബിഗ്‌ബോസിന്റെ അവതാരകനായ ബോളിവുഡ്‌ താരം സല്‍മാന്‍ ഖാനെതിരെ വിമര്‍ശനങ്ങളുമായി സ്വാമി രംഗത്തെത്തിയിരുന്നു.

ന്യൂസ്‌ നാഷന്‍ ചാനലില്‍ പരിപാടിക്കിടെ സ്വാമി ഞങ്ങളെ സംസാരിക്കാന്‍ അനുവദിക്കൂ എന്നു പറഞ്ഞ സ്‌ത്രീയോടായിരുന്നുസ്വാമിയുടെ അസഭ്യവര്‍ഷം. പരിപാടിയില്‍ സ്വാമിക്കൊപ്പം പങ്കെടുക്കുന്ന അതിഥി തന്നെയാണ്‌ സ്വാമിയെ ആദ്യം തല്ലുന്നത്‌. തിരിച്ച്‌ തല്ലാന്‍ ശ്രമിക്കുന്ന സ്വാമിയെ മറ്റുള്ളവരും തല്ലുന്നുണ്ട്‌. ചാനല്‍ ഫേസ്‌ബുക്കിലൂടെ പുറത്തു വിട്ട വീഡിയോ ഇതിനകം വൈറലായി