ആഗോള തലത്തില്‍ മുഴുവന്‍ സമ്പത്തിന്റെ പകുതിയും കയ്യാളുന്നത്‌ ലോകത്തെ എട്ട്‌ സമ്പന്നരാണെന്നും റിപ്പോര്‍ട്ടില്‍ പറയുന്നു. ബില്‍ഗേറ്റ്‌സും മൈക്കല്‍ ബ്ലൂംബെര്‍ഗും ഈ എട്ടുപേരില്‍പ്പെടും.

ലോകത്ത്‌ വരുമാന അസമത്വം വലിയ തോതില്‍ വര്‍ധിച്ചുവരികയാണെന്നും ഇതിന്‌ ഉദാഹരണമായി ഇന്ത്യയിലെ ഒരു കമ്പനിയുടെ കാര്യവും  ഓക്‌സ്‌ഫാം പേപ്പറുകള്‍ ചൂണ്ടിക്കാട്ടുന്നു. ഒരു പ്രമുഖ ഐ.ടി കമ്പനിയുടെ ചീഫ്‌ എക്‌സിക്യുട്ടീവ്‌ ഓഫീസര്‍ നേടുന്നത്‌ ആ സ്ഥാപനത്തിലെ ഒരു ശരാശരി ജോലിക്കാരനു ലഭിക്കുന്ന ശമ്പളത്തിന്റെ 416 ഇരട്ടിയാണെന്ന്‌ റിപ്പോര്‍ട്ട്‌ ചൂണ്ടിക്കാട്ടുന്നു.

ഇത്തരം അസമത്വങ്ങള്‍ ഇന്ത്യയിലെ സമ്പത്തിന്റെ വിതരണത്തിലും പ്രതിഫലിക്കുന്നുണ്ട്‌. ഇന്ത്യയിലെ ആകെ സമ്പത്തിന്റെ 58%വും ഒരു ശതമാനം സമ്പന്നരുടെ കയ്യിലാണെന്നും റിപ്പോര്‍ട്ടില്‍ വ്യക്തമാക്കുന്നു.

പല കമ്പനികളും തൊഴിലാളികള്‍ക്ക്‌ വളരെ കുറഞ്ഞ ശമ്പളം നല്‍കി ഹൈലെവല്‍ എക്‌സിക്യുട്ടീവുകളെയും ഷെയര്‍ ഹോള്‍ഡര്‍മാരെയും വന്‍തുകകള്‍ നല്‍കി വളര്‍ത്തുകയുമാണ്‌ ചെയ്യുന്നതെന്നും റിപ്പോര്‍ട്ടില്‍ ചൂണ്ടിക്കാട്ടുന്നു.