ടിക്കറ്റ്‌ നിരക്കില്‍ വമ്പന്‍ ഇളവുമായി എയര്‍ ഏഷ്യ
Published on 16 January, 2017
മുംബൈ: ടിക്കറ്റ്‌ നിരക്കില്‍ വമ്പന്‍ ഇളവുമായി ഓഫറുമായി എയര്‍ ഏഷ്യ. രാജ്യത്തെ തിരഞ്ഞെടുക്കപ്പെട്ട സ്ഥലങ്ങളിലേക്ക്‌ നൂറ്‌ രൂപയ്‌ക്ക്‌ താഴെയാണ്‌ ടിക്കറ്റ്‌ ഓഫര്‍. രാജ്യത്തിനകത്ത്‌ 99 രൂപയ്‌ക്കും വിദേശത്തേക്ക്‌ 999 രൂപയ്‌ക്കും യാത്രചെയ്യാമെന്നാണ്‌ എയര്‍ഏഷ്യയുടെ വാഗ്‌ദാനം.
ഇന്ത്യയില്‍ ഏറ്റവും കുറഞ്ഞ നിരക്കിന്‌ വിമാനയാത്ര വാഗ്‌ദാനം ചെയ്‌ത കമ്പനിയായി ഇതോടെ എയര്‍ ഏഷ്യ മാറി. ജനുവരി 16 മുതല്‍ ജനുവരി 22 വരെയാണ്‌ ഈ ഓഫറിന്‌ ടിക്കറ്റ്‌ ബുക്ക്‌ ചെയ്യാനുള്ള അവസരം.
2017 മെയ്‌ ഒന്ന്‌ മുതല്‍ 2018 ഫെബ്രുവരി ആറ്‌ വരെയുള്ള യാത്രകളാണ്‌ ഈ നിരക്കില്‍ ബുക്ക്‌ ചെയ്യാവുന്നത്‌. ബെംഗളൂരു, ഛണ്ഡിഗഡ്‌, ഗോവ, ഗുവാഹത്തി, ഹൈദരാബാദ്‌, ഇംഫാല്‍, ജയ്‌പൂര്‍, കൊച്ചി, ന്യൂദല്‍ഹി, പുനെ, വിസാഗ്‌ എന്നിവിടങ്ങളിലേക്കുള്ള യാത്രകള്‍ക്കാണ്‌ ഈ പ്രത്യേക നിരക്ക്‌.
മലേഷ്യ, തായ്‌ലന്‍ഡ്‌ എന്നിവിടങ്ങളിലേക്ക്‌ 999 രൂപയ്‌ക്ക്‌ ടിക്കറ്റും കമ്പനി ഓഫര്‍ ചെയ്യുന്നു. ക്വാലലംപൂരിലേക്കും ബാങ്കോക്കിലേക്കുമാണ്‌ ഈ നിരക്ക്‌ ഈടാക്കുന്നത്‌. ഇന്ന്‌ മുതല്‍ 22 വരെ ഈ ടിക്കറ്റ്‌ നിരക്കില്‍ ബുക്ക്‌ ചെയ്യാം. ജൂലായ്‌ 31 വരെയാണ്‌ പറക്കാനുള്ള സമയം.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala