കൊച്ചി മെട്രോ ഉദ്‌ഘാടന ചടങ്ങിലെ നീണ്ട കൈയടികള്‍ക്ക്‌ നന്ദി പറഞ്ഞ്‌ ഇ. ശ്രീധരന്‍
Published on 17 June, 2017
കൊച്ചി മെട്രോയുടെ ഉദ്‌ഘാടന വേദിയില്‍ തന്നെ ഹര്‍ഷാരവത്തേടെ സ്വീകരിച്ച കാണികള്‍ക്ക്‌ നന്ദിയറിച്ച്‌ ഇ ശ്രീധരന്‍. ''ജനങ്ങളുടെ ആദരമാണ്‌ എനിക്ക്‌ കിട്ടിയ നീണ്ട കൈയടികള്‍'' ഇ. ശ്രീധരന്‍ മാധ്യമങ്ങളോട്‌ പ്രതികരിച്ചു.
വേദിയിലുണ്ടായിരുന്ന പ്രധാനമന്ത്രി, മുഖ്യമന്ത്രി
എന്നിവരെ സ്വീകരിക്കുന്നതിനേക്കാള്‍ ആവേശത്തോടെയാണ്‌ ഇ ശ്രീധരനെ കാണികള്‍
സ്വീകരിച്ചത്‌. ചടങ്ങില്‍ സ്വാഗതം ആശംസിച്ച കെഎംആര്‍എല്‍ എംഡി ഏലിയാസ്‌ ജോര്‍ജ്‌, ഇ
ശ്രീധരനെ സ്വാഗതം ചെയ്‌തപ്പോള്‍ കാണികള്‍ നിര്‍ത്താതെ കയ്യടിച്ചു.
ആവേശത്തോടെ കാണികള്‍ കയ്യടി തുടര്‍ന്നപ്പോള്‍, താത്‌കാലികമായി ഏലിയാസ്‌ ജോര്‍ജിന്‌ പ്രസംഗം നിര്‍ത്തേണ്ടി വന്നു. ഈ ശ്രീധരന്റെ പേര്‌ പരാമര്‍ശിച്ച്‌ കൊണ്ട്‌ ഏലിയാസ്‌ ജോര്‍ജ്‌ പ്രസംഗം അവസാനിച്ചപ്പോളും സദസില്‍ നിന്ന്‌ കയ്യടികളുയര്‍ന്നു.
മുഖ്യമന്ത്രി പിണറായി വിജന്‍ പ്രസംഗത്തിനിടെ ഈ ശ്രീധരനെ പരാമര്‍ശിച്ചപ്പോഴും കാണികള്‍ വലിയ ആവേശത്തോടെയാണ്‌ പ്രതികരിച്ചത്‌.
ഉദ്‌ഘാടന വേദിയില്‍ നിന്ന്‌ ശ്രീധരനെ ഒഴിവാക്കിയെന്ന വാര്‍ത്ത വന്നപ്പോള്‍ വന്‍ പ്രതിഷേധമാണ്‌ ഉയര്‍ന്നത്‌. പിന്നീട്‌ മുഖ്യമന്ത്രിയുടെ പ്രത്യേക അഭ്യര്‍ഥന പ്രകാരമാണ്‌ പ്രധാനമന്ത്രിയുടെ ഓഫീസ്‌ ശ്രീധരനേയും രമേശ്‌ ചെന്നിത്തലയെയും ഉദ്‌ഘാടന വേദിയില്‍ ഉള്‍പ്പെടുത്തിയത്‌.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala