റവന്യു മന്ത്രിയെ ഒഴിവാക്കിയുളള മൂന്നാര്‍ ഉന്നത തലയോഗത്തെക്കുറിച്ച്‌ തങ്ങള്‍ക്ക്‌ അറിയില്ലെന്ന്‌ സിപിഐ സംസ്ഥാന സെക്രട്ടറി കാനം രാജേന്ദ്രന്‍ പറഞ്ഞു. ഔദ്യോഗികമായി സിപിഐക്ക്‌ ഇതിനെക്കുറിച്ച്‌ അറിയിപ്പൊന്നും ലഭിച്ചിട്ടില്ല. പത്രങ്ങളില്‍ വന്ന വാര്‍ത്തയൊന്നും ശരിയല്ല. തങ്ങളെ അങ്ങനൊരു യോഗത്തിന്‌ വിളിച്ചിട്ടില്ല. അത്തരത്തിലൊരു യോഗത്തെ കുറിച്ച്‌ തങ്ങള്‍ക്ക്‌ അറിയില്ല. വിളിക്കാത്ത യോഗത്തിന്‌ എന്തിന്‌ റവന്യുമന്ത്രി പങ്കെടുക്കണം. ഇങ്ങനെയൊരു കീഴ്‌വഴക്കം മുന്‍പ്‌ ഉണ്ടായിട്ടില്ലെന്നും കാനം പറഞ്ഞു.