പൃഥ്വിരാജ്, ഇന്ദ്രജിത്ത്, മുരളി ഗോപി എന്നിവര് ഒന്നിക്കുന്ന ബിഗ് ബജറ്റ് ചിത്രം ടിയാന്റെ റിലീസ് നീട്ടിവച്ചു. ചിത്രത്തിലെ കേന്ദ്രകഥാപാത്രത്തെ അവതരിപ്പിക്കുന്ന നടന് പൃഥ്വിരാജാണ് ഇക്കാര്യം അറിയിച്ചത്.
ചിത്രത്തിന്റെ സെന്സറിങ്ങുമായി ബന്ധപ്പെട്ട ചില പ്രശ്നങ്ങളെ തുടര്ന്നാണ് റിലീസ് മാറ്റിവച്ചതെന്നും പുതിയ റിലീസ് തീയതി ഉടനെ പ്രഖ്യാപിക്കുമെന്നും പൃഥ്വിരാജ് ഫെയ്സ്ബുക്കില് കുറിച്ചു. വരുന്ന വ്യാഴാഴ്ച്ച ചിത്രം റിലീസ് ചെയ്യുമെന്നായിരുന്നു നേരത്തെ അണിയറ പ്രവര്ത്തകര് പറഞ്ഞിരുന്നത്.
നവാഗതനായ ജിയന് കൃഷ്ണകുമാര് സംവിധാനം ചെയ്യുന്ന ടിയാന്റെ രചന നിര്വഹിച്ചിരിക്കുന്നത് മുരളി ഗോപിയാണ്. ഷൈന് ടോം ചാക്കോ, അനന്യ, പത്മപ്രിയ തുടങ്ങിയവരാണ് മറ്റു പ്രധാനവേഷങ്ങള് കൈകാര്യം ചെയ്യുന്നത്.
ഇരുപത് കോടി ബജറ്റില് നിര്മ്മിക്കുന്ന ചിത്രം റെഡ് റോസ് ക്രിയേഷന്സിന്റെ ബാനറില് ഹനീഫ് മുഹമ്മദാണ് നിര്മ്മിക്കുന്നത്.