മുഖക്കുരുവും ആര്‍ത്തവവും എന്നെ സുന്ദരിയാക്കുന്നു; ശ്രിയ ശരണ്‍
Published on 07 July, 2017
34ാം വയസിലും തെന്നിന്ത്യന്‍ നടിമാരില്‍ മിന്നി നില്‍ക്കുന്ന താരമാണ് ശ്രിയ ശരണ്‍. ഈ പ്രായത്തിലും മങ്ങാത്ത തന്റെ സൗന്ദര്യ രഹസ്യം എന്തെന്ന് ചാേദിച്ചവര്‍ക്ക് താരം നല്‍കിയ മറുപടിയാണ് ഇപ്പോള്‍ വൈറല്‍. ഞാനൊരു സാധാരണ പെണ്‍കുട്ടിയാണ്. എനിക്ക് മുഖക്കുരു വരാറുണ്ട്. ആര്‍ത്തവം വരാറുണ്ട്. ഇതൊക്കെ എന്നിലെ ആന്തരിക സൗന്ദര്യത്തെ നിലനിറുത്തുന്നു. അതല്ലാതെ താരങ്ങള്‍ക്ക് ഒരു പ്രത്യേക സൗന്ദര്യ സംരക്ഷണ രഹസ്യങ്ങളും ഇല്ലെന്നും ശ്രിയ പറഞ്ഞു.
ഒരു അവാര്‍ഡ് നിശയ്ക്കിടയിലാണ് താരം തന്റെ നിലപാടുകളെക്കുറിച്ച് വ്യക്തമായി പറഞ്ഞത്. ഹൈ ഹീല്‍ ചെരുപ്പ് ധരിക്കാന്‍ ഇഷ്ടമുള്ളയാളല്ല. പലപ്പോഴും സിനിമയ്ക്കു വേണ്ടി മാത്രമാണ് അത്തരം ചെരുപ്പുകള്‍ ഉപയോഗിക്കുന്നത്. ശരീരത്തില്‍ ഒട്ടും ഇഷടമല്ലാത്തത് സ്വന്തം മുടി തന്നെയാണ്. പക്ഷെ ആത്മവിശ്വാസമുണ്ട്. എനിക്ക് എന്നെ ഒരുപാട് ഇഷ്ടമാണ്. അങ്ങനെ സ്വയം ഇഷ്ടപ്പെടുമ്‌ബോള്‍ ആ ആന്തരികസൗന്ദര്യം മുഖത്തും വരും. അതിന് പകരം വയ്ക്കാന്‍ ഒരു സൗന്ദര്യ വര്‍ദ്ധക ഉത്പന്നത്തിനും കഴിയില്ല.
2001 മുതല്‍ സിനിമയുടെ ഭാഗമായി പ്രവര്‍ത്തിക്കുന്ന ആളാണ് ഞാന്‍. ഇത്ര വര്‍ഷം എങ്ങനെ ഈ ഫീല്‍ഡില്‍ പിടിച്ചു നിന്നു എന്ന മട്ടിലുള്ള ചോദ്യത്തെയാണ് ഞാന്‍ ഏറ്റവും വെറുക്കുന്നത്. ഒരിക്കലും ഒരു നടനോട് ചോദിക്കാന്‍ ധൈര്യപ്പെടാത്ത ചോദ്യമാണത്. നടികളെന്നാല്‍ അഞ്ചോ പത്തോ വര്‍ഷം കഴിയുമ്‌ബോള്‍ മതിയാക്കി പേകേണ്ടവരാണെന്നണോ ഈ ചോദ്യം കൊണ്ട് പലരും അര്‍ത്ഥമാക്കുന്നത്.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala