മെല്ബണ്: ന്ധനാമൊന്ന് നമ്മളൊന്ന്ന്ധ എന്ന സന്ദേശമുയത്തി ഓസ്ട്രേലിയയിലെ തന്നെ ഏറ്റവും വലിയ ഓണാഘോഷ പരിപാടിയായ മെല്ബണ് മലയാളി ഫെഡറേഷന്റെ ഓണം 2017ല് മുഖ്യ അതിഥിയായി പ്രമുഖ യുവചലച്ചിത്ര നടന് അജു വര്ഗീസ് പങ്കെടുക്കുന്നു.
കലാകായിക സാംസ്കാരിക ജീവകാരുണ്യമേഖലകളില് മറ്റാര്ക്കും അവകാശപ്പെടുവാന് ആകാത്ത വിധമുള്ള പ്രവര്ത്തനങ്ങളുമായാണ് മെല്ബണ് മലയാളി ഫെഡറേഷന്(എംഎംഎഫ്) മുന്നോട്ട് പൊയ്ക്കൊണ്ടിരിക്കുന്നത്. എംഎംഎഫന്റെ സ്ഥിരംവേദിയായ സ്പ്രിംഗ് വെല് ടൗണ്ഹാളില് 2017 ഓഗസ്റ്റ് 26ന് ശനിയാഴ്ചയാണ് ഓണാഘോഷ പരിപാടികള് നടത്തപ്പെടുന്നത്.
കലാകായിക സാംസ്കാരിക മൂല്യങ്ങളെ മുന്നിര്ത്തി തനിമയാര്ന്ന പുതുമയാര്ന്ന ദൃശ്യവിസ്മയങ്ങളാണ് അണിയറയില് ഒരുക്കങ്ങള് പൂര്ത്തിയായിക്കൊണ്ടിരിക്കുന്നത്. രാവിലെ 10 മുതല് ചിത്രരചന, കളറിംഗ്, 11 നു വടംവലി മാമാങ്കം, ആം റസ്ളിംഗ് ഉച്ചയ്ക്ക് 12:30 മുതല് വിഭവസമൃദ്ധമായ തനിനാടന് കേരളീയ ഓണസദ്യ ഈ സമയം ലൈവ് ഗാനമേള ഉണ്ടായിരിക്കുന്നതാണ്. മൂന്നു മുതല് സാംസ്കാരിക സമ്മേളനം വിവിധ പ്രമുഖ കലാ, സാമൂഹിക, രാഷ്ടീയ, സംഘടനാ പ്രതിനിധികള് പങ്കെടുക്കുന്നു. 3.30 മുതല് വൈവിദ്ധ്യമാര്ന്ന കണ്ണിനെയും മനസ്സിനെയും കുളിരണിയിക്കുന്ന നൃത്തനൃത്ത്യങ്ങള്, കോമഡി ഷോ, ഗാനമേള തുടങ്ങിയവയും വേദിയില് അരങ്ങേറും അന്വേഷണങ്ങള്ക്ക്: ജെയ്സണ് : 0435844721 ഷാജി വര്ഗ്ഗീസ്:040865790 അജി പുനലൂര്: 0401426932
റിപ്പോര്ട്ട്: എബി പൊയ്ക്കാട്ടില്