രാഷ്ട്രപതി ഭരണമെന്ന ഉമ്മാക്കി കാട്ടി ആര്‍എസ്‌എസ്‌ പേടിപ്പിക്കേണ്ടെന്ന്‌ കാനം
Published on 05 August, 2017
രാഷ്ട്രപതി ഭരണമെന്ന ഉമ്മാക്കി കാട്ടി ആര്‍എസ്‌എസ്‌ പേടിപ്പിക്കേണ്ടെന്ന്‌ സിപിഐ സംസ്ഥാന സെക്രട്ടറി കാനം രാജേന്ദ്രന്‍. അങ്ങനെ പറഞ്ഞാലും കേരളത്തില്‍ ആരും പേടിക്കില്ല. ആര്‍എസ്‌എസ്‌ കേരളത്തിന്റെ ചരിത്രം പഠിക്കണമെന്നും കാനം പറഞ്ഞു. ക്രമസമാധാന നില തകര്‍ന്നുവെന്ന്‌ വരുത്തി തീര്‍ക്കാനാണ്‌ സംഘപരിവാര്‍ ശ്രമിക്കുന്നതെന്നും അതൊന്നും കേരളത്തില്‍ വിലപ്പോവില്ലെന്നും അദ്ദേഹം പറഞ്ഞു.
ഇന്നലെ സിപിഐഎം സംസ്ഥാന സെക്രട്ടറി കോടിയേരി ബാലകൃഷ്‌ണനും കേരളത്തില്‍ രാഷ്ട്രപതി ഭരണം വേണമെന്നത്‌ ആര്‍എസ്‌എസിന്റെ സ്വപ്‌നം മാത്രമെന്ന്‌ പ്രതികരിച്ചിരുന്നു. കേരളത്തെ കുറിച്ച്‌ ബിജെപി തെറ്റായ ചിത്രം പ്രചരിപ്പിക്കുന്നു.
കൊലപാതകങ്ങളുടെ എണ്ണത്തിന്റെ പേരില്‍ സംസ്ഥാന സര്‍ക്കാരുകളെ
പിരിച്ചുവിടാന്‍ ശ്രമിക്കുകയാണെങ്കില്‍ ആദ്യം പിരിച്ചുവിടേണ്ടത്‌ ഉത്തര്‍പ്രദേശ്‌
സര്‍ക്കാരാണെന്നും പിന്നെ മഹാരാഷ്ട്രയും ഗുജറാത്തും രാജസ്ഥാനും പിരിച്ചുവിടണമെന്നും
സിപിഐഎം സംസ്ഥാന സെക്രട്ടറി പറഞ്ഞിരുന്നു. ഇതിന്‌ പിന്നാലെയാണ്‌ അതേ
നിലപാടുമായി സിപിഐ സംസ്ഥാന സെക്രട്ടറിയും രംഗത്തെത്തിയത്‌.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala